E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Fajin e ka Agim Hushi që tha të vërtetën/Ta “vrasim”?!

7 Gusht 2017, 07:59, Aktualitet CNA

Tenori Agim Hushi, një nga emrat e njohur edhe në skenën ndërkombëtare, nëpërmjet një postimi në rrjetet sociale njoftoi largimin e tij përfundimtar nga Shqipëria.

Pas tij, dy artistë të tjerë, kompozitori Shpëtim Saraçi dhe bashkëshortja e tij Mira Konçi, njoftuan largimin.

Një pjesë e kulturës së Shqipërisë po ikën larg saj, po e braktis vendin. Dikush shpërthen me dhimbje në rrjetet sociale, dikush largohet në heshtje.

Por, në fakt, lënë nga pas vendin, familjen, të afërmit e tyre dhe kur një pjesë e elitës intelektuale të vendit dhe kulturës së saj largohet, vendi vërtet ka probleme të thella.

Agim Hushi shpërtheu e, për këtë, u shpall ?fajtor? dhe u linçua në mënyrë banale nga turma, sepse tha publikisht të vërtetat e mëdha.

Agim Hushi ishte fajtori sepse në vendin e tij, pas katër vite qeverisjeje të dështuar të koalicionit të majtë, shqiptarët vendosën t?ia jepnin timonin vetëm Edi Ramës.

Dështim që fillon më drogën, korrupsionin, koncensionet, keqqeverisjen dhe abuzimin në çdo qelizë të pushtetit.

Për të gjitha këto, përgjegjësit kryesor, në vend që të largohej iu dha një mandat i dytë, këtë herë edhe më me shumë vota.

Fajin e ka Agim Hushi, ndoshta edhe Shpëtim Saraçi me Mira Konçin, të cilët kanë parë me zë e figurë, ish zëvendës kryeminsitrin dhe ministrin e Jashtëm, Ilir Meta që bënte pazare me qindra mijëra euro me ministrin e tij, Dritan Prifti.

Panë se si për bllokun e Likes u vranë 4 të pafajshëm në Bulevard dhe në vend që Likja të përfundonte pas hekurave, ai doli i pafajshëm dhe pak ditë më parë u betua si President i shqiptarëve, duke u ngritur në detyrë.

Fajin e ka Agim Hushi sepse ka parë se si Ministri i Brendshëm i 21 janarit, zgjidhet kryetar bashkie, më pas zgjidhet kryetar i PD, kur humb zgjedhjet nuk jep dorëheqjen dhe paturpësisht vjedh shtëpinë e vet, jo vetëm duke e përdorur si plaçkë pazari për të pasuruar familjen, por edhe duke vjedhur e mashtruar për votat e saj.

Duke i mbushur kutitë paturpësisht, e në rast se do të ishte një familje e vërtetë do të ishim përballë faktit, kur i zoti i shtëpisë vjedh kursimet dhe i thotë familjarëve se ka fituar para.

Fajin e ka Agim Hushi sepse 200 mijë shqiptarë raportohet të kenë ikur në 4 vitet e fundit. 300 mijë të tjerë aplikojnë për lotarinë amerikane, dhjetëra mijëra prej tyre janë të rinj dhe kur vendit i ikën rinia, fajin e ka Agim Hushi, sepse tha të vërtetën dhe nuk pranoi të ishte një dele si shumica e atyre që e sulmuan.

Fajin e ka Agim Hushi, Shpëtim Saraçi, Mira Konçi, ndoshta edhe Faik Konica që dikur i tha Shqipërisë ?Të kam dhjerë?, dhe ia tha mbi 80 vjet më parë. Agim Hushi, nuk bëri tjetër veçse thjesht na tregoi se jemi në të njëjtën situatë, ku delet fatkeqësisht janë populli që ka vendosur për gjithçka kemi shkruar më sipër.

Që voton dhe mbështet një establishment politik të korruptuar në çdo qelizë, që mbulon Shqipërinë me drogë, koncensione e deri tek shitja e mandateve të deputetëve apo manipulimi i votave në parti.

Të gjitha këto ata nuk i kanë bërë vetë, por me ndihmën e ?deleve? të këtij vendi që fatkeqësisht po braktiset çdo ditë nga intelektualë dhe elita e shoqërisë./CityNews