web counter
LEXO PA REKLAMA!

SHKARKO APP

App Store
Google Play

E fundit!

x

Rritja e tarifës së ujit/ LSI si gjithmonë, edhe mish edhe peshk

26 Korrik 2017, 08:58, Aktualitet CNA

Konflikti midis palëve politike në Këshillin bashkiak të kryeqytetit për rritjen e çmimit të ujit ka kulmuar dje me dëgjesën e Kryebashkiakut për t?i mbushur mëndjen këshilltarëve t?i bashkohen propozimit të tij miratues, pasi pa këtë rritje është e pamundur që të merren 120 milion eurove kredi zhvilluese për sektorin e ujësjellsit. Dhe ndërsa këshilltarë demokratë në këtë këshill janë shprehur të vendosur në qendrimin e tyre, duke argumentuar se rritja e çmimit të ujit është sipërmarrje ?kriminale? ndaj qytetarëve, homologët e tyre të LSI kanë ruajtur ?ekuilibristin?.

Ndonëse në nisje të protestës refuzuese të këshilltarëve demokratë ata u bashkuan me kundërshtimin e rritjes së tarfiës së ujit për të gjitha kategoritë sociale, në përfundim të dëgjesës më shumë se dy orëshe me kryebashkiakun Erion Veliaj, për këtë projektvendim, këshilltarët e LSI-së janë shprehën dakort për një pjesë të projektit dhe kundërshtues për pjesën tjetër.

Kështu, referuar deklaratës përfundimtare, LSI nuk e kundërshton rritjen e tarifës së çmimit, por shprehet për diferencim të kategorive të përfshira në të. Familjet në nevojë dhe bizneset që prodhojnë produkte jetike për qytetarët janë dy kategoritë që nuk duhet të preken kurse me gjithë grupet e tjera sociale Bashkia të bëhet ç?të dojë, është propozimi që shpreh qëndrimin e këshilltarëve të LSI. Një pozicion i njohur ky për këtë forcë politike që lojën edhe mish edhe peshk e ka në gjak./CityNews





Lajmet e fundit nga