PROCESI-VIDEO/ Ja si u falsifikuan votat në Vlorë, monitorimi prej 11 orësh

26 Korrik 2017, 09:37, Aktualitet CNA

Kryetari i Partisë Demokratike, Lulzim Basha arriti të ruante karrigen e kryetarit të Partisë Demokratike në një proces, jo vetëm të kontestuar, por të mbushur me skandale, manipulime dhe falsifikime.

Dy ditë më parë, CityNews denoncoi ekskluzivisht me video, falsifikimin që i është bërë procesit të votimit në Korçë dhe shtimin e votave fiktive në kutinë e votimit.

Skandali i falsifikimit të rezultateve mesa duket është i pranishëm në çdo degë të PD. Gazetarja Jerola Ziaj rrefeu për CityNews të gjithë procesin e votimit në Vlorë, duke filluar që nga ora 08:00 deri në orënn 19:00.

Ashtu si në Korçë edhe në Vlorë, gjithçka është monitoruar me kamera dhe çdo votues është numëruar nga disa të pranishëm.

Procesi i votimit në Vlorë ka nisur në orën 8 të mëngjesit. Në sallë kanë qenë edhe gazetarë, apo të pranishëm të tjerë, për t?u siguruar se procesi do të ishtë sa më i vërtetë dhe demokratik, ashtu siç demokratët e kërkuan për 3 muaj nën çadër për zgjedhjet e përgjithshme.

Siç është raportuar, në Vlorë ka pasur persona që kanë votuar disa dhe në lidhje me këtë skandal, pranishmit për CityNews rrëfyen se komisionerët justifikoheshin duke thënë se, ?Ç?të keqe ka, votoi në emër të vëllait?.

Përtej kësaj, deri në orën 6 të pasdites janë filmuar nga kamerat dhe nëmëruar nga të pranishmit në sallë, vetëm 364 demokratë që kanë votuar.

Më pas pa asnjë shpjegim, monitoruesit e procesit dhe gazetarët janë nxjerrë jashtë. Edhe pse u nxorrën jashtë gazetarët, kanë filmuar në hyrje të qendrës së votimit dhe numëruar çdo demokrat që është futur në orën e fundit në sallën e votimit.

Siç raportohet më tej me fakte dhe prova, në një orë kanë në hyrë në sallë vetëm 39 persona, edhe pse nuk dihet me siguri nëse kanë votuar të gjithë apo jo, pra nga 18:00-19:00.

Në një llogari mjaft të thjeshtë rezulton se në total gjatë gjithë ditës në Vlorë, kanë votuar 403 demokratë, sigurisht duke përfshirë ata që votuan dy apo tre herë.

Më poshtë CityNews sjell një video të shkurtër, të realizuar në mbyllje të procesit të votimit, ku dallohet qartë teksa komisionerët vulosin fletë të votimit./CityNews