web counter
LEXO PA REKLAMA!

SHKARKO APP

App Store
Google Play

Pse princeshë Diana mbante gjithmonë një çantë në vogël në dorë?

20 Korrik 2017, 17:00, Lifestyle CNA

 Princeshë Diana ka qenë një ndër njerëzit më me ndikim në botë. Pavarësisht se ka shumë kohë që është ndarë nga jeta gjatë një aksidenti tragjik, çdo detaj që zbulohet në lidhje me jetën e saj ka kuriozitet të madh.

Kohët e fundit revistat botërore po nxjerrin detaje nga takimet zyrtare dhe sjelljet e saj prej një dame të vërtetë.

Sipas Harper?s Bazaar në çdo event formal që ajo merrte pjesë, mbante një çantë të vogël në dorë. Në rastin e saj çantat nuk kishin qëllimin e mbajtjes së gjërave me vete por kishte një qëllim krejt tjetër. Ajo i përdorte çantat për të fshehur gjoksin ose pjesë të tjera të trupit që mund të ekspozoheshin gjatë daljes nga makina. Në rastet kur ajo kishte një fustan të shkurtër ose dekolte të hapur kishte një rrisk të madh që të zbuloheshin më shumë gjëra seç duhej. Ajo e mbante gjithmonë çantën përpara për të mbuluar pjesën e gjoksit, në mënyrë që paparacët të mos fotografonin momente të papërshtatshme të princeshës.

Ajo nuk ishte e vetmja princeshë që i përdorte çantat për një qëllim të tillë. Mbretëresha Elisabet e përdorte çantën e saj për t?i dërguar mesazhe sekrete stafit të saj. Për shembull, kur ajo e ndërron çantën nga njëra dorë tek tjetra do të thotë që ajo duhet të ndërrojë bisedën duke e zhvendosur në një vend tjetër. Në rastet kur çantën e vendoste në tavolinë do të thoshte se kishte një emergjencë reale dhe eventi duhej të mbyllej brenda 5 minutave.

Supozimi se ato çanta të vogla janë vetëm për show është e gabuar. Të gjitha zonjat mbretërore i përdornin ato për të përcuar mesazhe./ CityNews





Lajmet e fundit nga