Ku kanë përfunduar 35 milion eurot e rrugës Tiranë-Elbasan

19 Korrik 2017, 10:03, Aktualitet CNA

Para zgjedhjeve parlamentare të 25 qershorit, pas shumë e shumë hezitimesh, qeveria Rama miratoi dhënien e 35 milion euro shtesë Ministrisë së Transporteve, me destinacion riparimin e disa shembjeve në rrugën Tiranë-Elbasan.

Shuma kaloi për miratim në Parlament, duke ndezur debatin brenda deputetëve të maxhorancës së majtës PS-LSI. Kjo e fundit kishte si minister të vetin në krye të Transporteve Sokol Dervishajn, ndërkohë që deputetët socialistë e kundërshtonin dhënien e fondit shtesë prej 35 milion euro, duke e konsideruar shumë më të madh nga punimet riparuese që duheshin kryer brenda më pak se katër kilometrave.

Gjithsesi, duke dashur ta joshnin LSI-në për tu futur në zgjedhjet e pritëshme, ku opozita ishte shprehur kundër, socialistët e votuan akordimin e 35 milion euro, pa hezituar të shpreheshin se ekzistonte rreziku i përdorimit të tyre për fushatë elektorale. Gjë që mesa duket ka ndodhur, pasi ende nuk ka një raportim lidhur me përdorimin e kësaj shume.

I kanë ?harruar? ato socialistët e Ramës, por edhe Lulzim Basha, i cili në atë kohë akuzonte nga çadra Ramën dhe Metën se bënë ?kurban? 35 milionë eurot e rrugës Tiranë-Elbasan për të hyrë LSI në zgjedhje, citon ?pamfleti.al? në një publikim dedikuar kësa teme. Sipas këtij të fundit:

?Nga hulumtimet e bëra mësohet se asnjë dollarë nuk është futur në këtë rrugë, për të evituar shembjet e bëra. Ndërkohë që mbetet mister nga kanë shkuar 35 milionë eurot e kërkuar me aq urgjencë nga ministri i Ilir Metës pak para zgjedhjeve. Duke vertetuar ndoshta shqetësimin e ?Pamfleti.com? se këto para kanë shkuar për blerjen e votës nga Meta. Por dhe duke vertetuar deklaratat e Bashës se Meta do ti përdorë këto para për zgjedhjet dhe ndaj i bënte presion Ramës se nuk do të hynte në zgjedhje dhe se do të mbështeste protestën e opozitës??.

Dhe ndërsa përmend kërkesën e Pandeli Majkos: ?Duam shpjegime të qarta, kush mban pergjegjësi për këtë shtesë kontrate që shkon mbi 20% të vlerës së rrugës?, si dhe atë të Dashamir Pezës, që shpreh të njetin shqetësim, ?pamfleti? konkludon:

?Por pavarësisht mungesës së sqarimeve, Meta i mori paratë e rrugës Tiranë-Elbasan, 35 milionë eurot që tashmë rezultojnë të painvestuara dhe të zhdukura, me destinacion blerjen e votës në favor të LSI. Aq më tepër që këto para u dhanë për një rrugë që të çonte në qarkun ku kandidonte bashkëshortja e Metës, Monika Kryemadhi sot kryetare e LSI. Ka akuza se këto para në prag të fushatës, 35 milionë euro për 4 kilometra rrugë, janë dhënë për Metën për të financuar me lekët e shtetit fushatën e bashkëshortes së tij Kryemadhi. Ka ardhur koha e verifikimit të investimit të këtyre parave të kërkuara me aq urgjencë?./ CityNews