web counter
LEXO PA REKLAMA!

SHKARKO APP

App Store
Google Play

Ish-deputeti i PS zbulon dështimin e radhës të Ramës/Çfarë kemi humbur

18 Korrik 2017, 20:45, Aktualitet CNA

Ish-deputeti socialist, aktualisht kreu i partisë ?Zgjidhja?, Koço Kokëdhima, ka vijuar sulmet ndaj kryeministrit Edi Rama.

Në një njoftim të partisë së tij në rrjetet sociale, ai zbulon dështimin e radhës të qeverisë shqiptare, pas dështimit, që sipas tij, Rama njohu në Samitin e Triestes.

Kokëdhima shkruan se institucionet dhe organizatat shqiptare kanë fituar shumë pak projekte nga thirrja e dytë për projekt-propozime në kuadër të programit INTEREG IPA CBS Greqi-Shqipëri 2014-2020.

Reagimi i plotë:

Dështim i ri i Qeverisë së Shqipërisë
Një tjetër lajm dekurajues ka ardhur ditën e sotme. Pas dështimit me sukses në Samitin e Triestes, ku Shqipëria nuk ishte në gjendje të përfitonte asnjë nga projektet e ndërlidhshmërisë në energji dhe transport, institucionet dhe organizatat shqiptare kanë fituar shumë pak projekte nga thirrja e dytë për projekt-propozime në kuadër të programit INTEREG IPA CBS Greqi-Shqipëri 2014-2020.
Nga 40 projekte, institucionet shqiptare kanë arritur të marrin vetëm 3, me një vlerë totale prej 2 milionë euro, ndërsa pala greke fitoi 37 projekte me vlerë 25 milionë euro. Nuk mund të fshihemi pas faktit që Greqia është më e madhe dhe se nga projektet ndërkufitare do të përfitojnë të dyja palët. Jo! I kishim të gjitha mundësitë që të paraqisnim projekte fituese për promovimin e turizmit, transportit dhe infrastrukturës, si dhe për nxitjen e ekonomisë lokale. Shqipëria diskutohet vetëm për dështime dhe për atletet e kryeministrit. Kjo tregon edhe një herë se qeveria dhe institucionet tona janë mbushur me tutkunë të paaftë për t?u marrë me problemet reale të vendit./CityNews





Lajmet e fundit nga