web counter
LEXO PA REKLAMA!

SHKARKO APP

App Store
Google Play

Dështim i ri i Qeverisë së Shqipërisë/ Një tjetër lajm dekurajues

18 Korrik 2017, 17:47, Aktualitet CNA

Kreu i Lëvizjes ?Zgjidhja? Koço Kokëdhima e ka cilësuar Samitin e Triestes si  një dështim të qeverisë shqiptare.

Në një reagim për mediat, Kokëdhima u shpreh se Shqipëria ka marrë venët 3 projekte me vlerë 3 milion eruo, e ndërsa fqinji ynë ka marrë 32 projkete me vlerë 25 mln euro, gjë e cila sipas tij tregon paaftësinë e institucioneve shqiptare.

“Një tjetër lajm dekurajues ka ardhur ditën e sotme. Pas dështimit me sukses në Samitin e Triestes, ku Shqipëria nuk ishte në gjendje të përfitonte asnjë nga projektet e ndërlidhshmërisë në energji dhe transport, institucionet dhe organizatat shqiptare kanë fituar shumë pak projekte nga thirrja e dytë për projekt-propozime në kuadër të programit INTEREG IPA CBS Greqi-Shqipëri 2014-2020.

Nga 40 projekte, institucionet shqiptare kanë arritur të marrin vetëm 3, me një vlerë totale prej 2 milionë euro, ndërsa pala greke fitoi 37 projekte me vlerë 25 milionë euro. Nuk mund të fshihemi pas faktit që Greqia është më e madhe dhe se nga projektet ndërkufitare do të përfitojnë të dyja palët.

Jo! I kishim të gjitha mundësitë që të paraqisnim projekte fituese për promovimin e turizmit, transportit dhe infrastrukturës, si dhe për nxitjen e ekonomisë lokale. Shqipëria diskutohet vetëm për dështime dhe për atletet e kryeministrit.

Kjo tregon edhe një herë se qeveria dhe institucionet tona janë mbushur me tutkunë të paaftë për t?u marrë me problemet reale të vendit”, shprehet Kokëdhima./CityNews





Lajmet e fundit nga