E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Skandali në Dhërmi/Shpërthen gazetari i njohur shqiptar: Maskarallëku i mashtrimit të pushuesve

18 Korrik 2017, 14:59, Aktualitet CNA

Ditën e djeshme, CityNews publikoi denoncimin publik të një gazetari nga Kosova, i cili tregonte skandalin ndaj pushuesve kosovarë që po kthehej në fenomen në Dhërmi.

Konkretisht sipas këtij denoncimi u mësua se çadrat në Dhërmi për pushuesit kosovarë jepeshin 2000 lekë, ndërsa për pushuesit vendas çadrat ishin vetëm 700 lekë.

Në lidhjë me këtë skandal ka reaguar edhe gazetari Mentor Kikia. Kikia, ndërsa e quan maskarallëk këtë mashtrim, tregon se ky nuk është rasti i parë, por tashmë është bërë rutinë dhe ai vetë ka qenë dëshmitar i shumë prej tyre.

Më poshtë postimi i plotë i Mentor Kikisë:

Maskarallëku i mashtrimit të pushuesve kosovarë

Një pushues nga Kosova, që ka zgjedhur Jugun e Shqipërisë, denoncon diferencimin që ?pronari i dëtit?, i bën kosovarëve në cmime, duke u marrë deri në 2000(të reja) për cadër.
Në fakt nuk është hera e parë, madje kjo është bërë një rutinë. Disa vite më parë kam qenë dëshmitar në një market në Shëngjin, ku shitësi faturonte cmime të tjera për banorët e zonës e të tjera për kosovarët, duke u shitur një buke për 200 lekë e një pako makarona për 300 lekë. Më pas të njëjtën skenë e kam parë edhe në Durrës ku një palo shitëse, shqiptarëve që kishin ardhur nga Maqedonia, domatet dhe dardhat ua shiste si të ishin arra kokosi.
Dhe këta matrapazë, që një cadër ua japim me qera njësoj si të ishte apartament, nuk kanë as kupon tatimor, por ca palo-fatura. Por këta harrojnë se epoka e turizmit patriotik mbaroi dhe këta kosovarë që sot i mashtrojnë, nesër mund të gjëjnë strehë në Mal të Zi ku korrektesa dhe shërbimi janë një mijë herë më të të mira. Dhe në ikshin edhe kosovarët, në këtë vend do të pushojnë vetëm hallexhinjtë e Shqipërisë që nuk duan as shezllonë e restorante, pasi marrin bukë me vete me domate e shalqi.
Atëherë ju rrofshin investimet të nderuar maskarenj!/CityNews