web counter
LEXO PA REKLAMA!

SHKARKO APP

App Store
Google Play

Shkodra pret Bashën me peticion/Zbardhen firmat e demokratëve: Po asgjëson PD-në

17 Korrik 2017, 11:55, Aktualitet CNA

Kreu i vetëngrirë i Partisë Demokratike, Lulzim Basha, vijon takimet në mbarë vendin, në kuadër të zgjedhjeve që pritet të mbahen më 22 korrik për kreun e ri të partisë. Nga jugu në veri, Basha ka dështuar në takimet e zhvilluara deri më tani, ku të zhgënjyer nga rezultati katastrofik në zgjedhjet e 25 qershorit dhe mos dorëheqja e tij, demokratët kanë braktisur takimet e kreut të PD.

Strukturat e PD në disa qytete kanë bërë peticion kundër Lulzim Bashës, duke kërkuar anulimin e garës false që po zhvillohet për kreun e ri të partisë. Lulzim Basha u fut në këtë farë përballë një rivali të vetëm, Eduard Selamit, i cili u fut prej tij, duke e bërë kështu garën false dhe të pavlerë për PD dhe demokratët.

Kjo ka revoltuar jo pak dhe demokratët e Shkodrës, të cilët kanë bërë peticion kundër Bashës. Ata i kanë kërkuar kreut të PD të ndalë farsën, zgjidhjet e imponuara, përjashtuese dhe konfliktuale për rimëkëmbjen e partisë, pasi në të kundërt opozita demokrate rrezikon asgjësimin.

Nënshkruesit e peticionit shprehen se Basha duhet të marrë përgjegjësi për disfatën e 25 qershorit dhe jo të justifikohet duke fajësuar kundërshtarin politik për manipulim apo blerje vote.

Ndërkohë, Lulzim Basha pritet të jetë sot në qytetin e Shkodrës për të kërkuar votën e demokratëve në zgjedhjet e 22 korrikut, një takim që me shumë gjasa do të jetë i dështuar./CityNews





Lajmet e fundit nga