E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Korçari hedh dyshime në sallë/ A e shiti Basha PD në marrëveshjen me Ramën?

17 Korrik 2017, 18:52, Aktualitet CNA

Astrit Patozi dhe anëtarë të tjerë të Lëvizjes për Ringritjen e PD kanë zhvilluar ditën e sotme një takim me demokratët në qytetin e Korçës.

Gjatë një bashkëbisedimi me qytetarët, një prej tyre ka hedhur dyshime në sallë se Basha ka shitur PD-në me marrëveshjen e 17 majit me Ramën.

Sipas tij, Bashës i janë ofruar shumë mundësi që të rikuperojë gabimet që ka bërë gjatë drejtimit të PD por ai ka dështuar tek të gjitha, duke dëshmuar që nuk është i aftë për të drejtuar forcën e dytë politike më të madhe në vend.

Ai vijuar deri aty sa ka kërkuar jo vetëm dorëheqjen e Bashës nga kryetari i PD, por largimin e tij nga Shqipëria, çështje për të cilën nuk ka rënë dakord kreu i Lëvizjes për Ringritjen e PD, Astrit Patozi.

?PD humbi që me ardhjen e Bashës në krye të saj. U bënë zgjedhjet në disa Bashki dhe përsëri humbi. U fut në çadër dhe bëri një marrëveshje të fshehtë. Kush më garanton mua që ai nuk e ka shitur PD-në? Ne PD nuk e kemi për t?i dhënë prova të pafundme Bashës. Të ikë se i ka humbur të gjitha, të largohet nga Shqipëria. Tha se janë listat e mia dhe ato janë fituese, të mbajë përgjegjësi. Ka ardhur koha që t?i dalim për zot partisë që e krijuam në ditë të vështira. Ka ardhur koha që të mobilizohemi si në 1991 që ta çojmë PD në nivelin e duhur. Me këtë lëvizje krijohet ideja e Unitetit, dhe kështu duhet të ndodhë?, shprehet qytetari.

Por sipas Patozit, nuk është koha për të bërë përjashtime brenda PD. Sipas tij, Basha nuk ka nevojë që të largohet nga Shqipëria, por të qëndrojë në PD- në e bashkuar pasi ka vend edhe për të, pavarësisht se ai mendon ndryshe.

?Nuk jam dakord që Basha të ikë nga Shqipëria. Ne kërkojmë që PD të jetë e bashkuar. Ka vend për Bashën dhe për këdo tjetër. Ky është koncepti që ne kemi. Më kujtove diçka kur the ?Nuk mund t?i japim më shanse Bashës?. Kur Basha ka humbur thoshte ?Gabova, por humbjet e mia ishin poltike?. Ne për politik të çuam, nuk të çuam për tregti. Prandaj kam kërkuar që kjo garë të mos bëhet dhe jam i sigurt që nuk duhet t?i japim një tjetër shans Bashës?, u shpreh Patozi. /CityNews