web counter
LEXO PA REKLAMA!

SHKARKO APP

App Store
Google Play

Alarmohet pushuesja në plazhin e Durrësit/ Pronari i shtëpisë më...

17 Korrik 2017, 15:17, Aktualitet CNA

Gjatë sezonit të verës pushuesit nga Kosova  mbushin plazhet e Shqipërisë. Këtë vit mesa duket ata kanë hasur në disa incidente në lidhje me shërbimin që u është ofruar në qytetet bregdetare. Një qytetare nga Kosova e cila po kalonte pushimet e saj në qytetin e Durrësit është ankuar te ?JOQ? për sjelljen jo korrekte të pronarit të banesës që kishin marrë me qira. Ajo ka preferuar të qëndrojë anonime për shkak se i druhej një hakmarrjeje nga ana e pronarit.

Në rrëfimin e saj, pushuesja ka treguar se pronari i banesës që kishte marrë me qera në Durrës, e kishte larguar bashkë me familjen një ditë para përfundimit të pushimeve.
?Unë e kisha paguar shtëpinë për 10 ditë, por në ditën e 9-të më nxorri nga banesa?, është shprehur turistja kosovare.

Gjithashtu turistja ka thënë se ?për ushqimet kishin bërë një marrëveshje që më parë, por ato i ishin faturuar me 50 për qind më shtrenjtë se ajo për të cilën kishin rënë darkord?.
Ajo u ka bërë thirrje të gjithë shqiptarëve nga Kosova që të kenë kujdes kur vijnë për pushime në Shqipëri, e sidomos në plazhin e  Durrësit.

Raste të tilla ku pushuesit nga Kosova mashtrohen dhe gënjehen në Shqipëri për çmimet janë bërë të shpeshta kohët e fundit. Madje policia nuk i lejon që autobusët nga Kosova të shkojnë deri në shesh qëndrimin e tyre në Durrës, duke i ndaluar që tek ura e Dajlanit. Ata duhet të marrin edhe një autobus tjetër për të shkuar në plazh dhe detyrohen të tërheqin valixhet e tyre sa në njërin autobus në tjetrin./CityNews





Lajmet e fundit nga