web counter
LEXO PA REKLAMA!

SHKARKO APP

App Store
Google Play

E fundit!

x

Si po dështon dhe çfarë fshihet pas takimeve të Lulzim Bashës?!

15 Korrik 2017, 12:45, Aktualitet CNA

CityNews prej disa ditësh, por edhe shumë media raportojnë se takimet e kandidatit për kryetar të vetëngrirë, Lulzim Bashës për të rimarrë edhe katër vjet drejtimin e Partisë Demokratike, janë zhvilluar në disa salla thuajse bosh.

Në Korçë, në Durrës, në Shijak, në Vlorë dhe kudo ku ka shkuar, por edhe në Tropojë, aty ku shpresonte që të gjente mbështetje, ai është i braktisur. Sallat janë thuajse gjysmë bosh, nuk ka entuziazëm.

Basha e ndjen këtë braktisje  në çdo takim dhe në sa më shumë qytete që shkon. Ai e kupton se ka një braktisje nga strukturat e bazës. Ai e lexon rezultatin e vërtetë të 25 qershorit. E kupton se strukturat në bazë kanë qenë të çorientuera, të paorganizuara, të përçara prej tij dhe atyre që ai ka pasur afër.

Tashmë për të gjetur zgjidhjen dhe për të mbushur sallën, Lulzim Basha ka filluar një strategji tjetër. Në çdo qytet ai çon nënkryetarin e partisë, Edmond Spaho. Shpesh i akuzuar për servilizma dhe lidhje tepër të dyshimta klienteliste me Lulzim Bashën dhe jo vetëm.

Spaho i quajtur ndryshe edhe kërmilli është njeriu që shkon në çdo degë të PD, prej javës së fundit, dy ditë para takimit të Lulzim Bashës dhe përpiqet të mbushë sallën. Ai telefonon këdo që mundet, anëtarët Kryesisë, kryetarët e grupseksioneve, drejtuesit e seksioneve që të jenë të pranishëm në takime.

Por edhe pse kërmili po përpiqet shumë, Lulzim Basha ka dështuar në shumicën e takimeve të tij, në mënyrë të padiskutueshme.

Fotot e mëposhtme tregojnë se nënkryetari në detyrë i PD, Edmond Spaho, i cili në fakt ka edhe drejtimin dhe menaxhimin e fushatës zgjedhore brenda partisë është në çdo takim të Lulzim Bashës, ku shkon paraprakisht për të mbushur sallën me njerëz, por edhe për ta mbështetur, si gjithmonë me servilismin dhe paaftësinë e tij, kreun e vetëngrirë të PD.

Pavarësisht çdo përpjekje të tij, edhe në Korçë, edhe në Durrës edhe në Vlorë edhe kudo, Lulzim Basha thjesht ka dështuar, jo vetëm nga kërmilli, por sepse Lulzim Basha është vetë i dështuari./CityNews





Lajmet e fundit nga