Dosja Fullani/ Modeli sesi mund të përfitosh pafajësi dhe miliarda nga “gajdexhinjtë” e gjykatave

15 Korrik 2017, 08:35, Aktualitet CNA

Dosja e Adrian Fullanit, ish drejtorit të Bankës së Shqipërisë të arrestuar dhe më pas liruar falë mbajtjes me hatër nga kolegët e të shoqes Adriana Fullani, gjyqtare e Gjykatës së Lartë, është modeli i përfitimit të drejtësisë së pamerituar dhe i mbajtjes me hatër.

Pasi i ka kaluar të gjitha shkallët shqyrtuese brenda një periudhe kohe rekord, në raport me dosjet e tjera që prej muajsh e vitesh presin radhën, me po të njejtën precedencë ajo është futur për shqyrtim edhe nga ana e trupës së Gjykatës së Lartë, drejtues i të cilës është Xhezair Zaganjori.

Faktin e ka denoncuar deputeti Erion Braçe, ish kryesues i Komisionit parlamentar të Ekonomisë, i cili nëpërmjet një postimi në faqen e rrjetit të tij social e ka etiketuar këtë akt praktikë ekstra-normale dhe që e favorizon hapur ish drejtorin e nxjerrë pa lagur nga gjithë historia e grabitjes së miliardave të Bankës që drejtonte.

Madje, jo vetëm kaq, por falë favorizimit nëpër proceset gjyqësore, në vend të dënimit, Fullani ja ka dalë të shpërblehet me vendime që e detyrojnë Bankën e Shqipërisë dhe të tjera institucione shtetërore ta dëmshpërblejë për mbajtjen disa javore nën masën e sigurisë ?arrest me burg? përgjatë kohës së hetimit të grabitjes, për fyerjen dhe shkeljen e dinjitetit etj.

?Zotni kryetar, zotni Zaganjori, mund te me thuash se si ka mundesi qe ceshtja ?Fullani? shqyrtohet ne gjykaten tende duke shkelur cdo radhe, duke shtypur me kembe cdo kend ne radhe, ne nje kohe fare te shkurter nga paraqitja, si kerkush i ndryshem nga ai apo palet e paditura? Po me dyer te mbyllura perse? Po pa pale perse? Ç?eshte keshtu gjykates, kryetar? Si ka mundesi qe kjo gjykate bie ne kete menyre?? shkruan deputeti Braçe, duke e dhenë fare qartë privilegjimin dhe ngutin me të cilin Gjykata e drejtuar nga Xhezair Zaganjori po e trajton dosjen e njeriut që nëse Shqipëria do kishte një sistem normal drejtësie duhej të gjendej brenda kafazit të burgut.

Gjë që jo vetëm nuk ndodhi, por po ndodh e kundërta. Po ndodh ajo që Fullani, djali i të cilit fshinte djersët me kartëmonedhë 500 euroshe, me ndihmën dhe privilegjimin e drejtësisë po shfrytëzon ditët e fundit të qënies së kësaj të fundit karrocë drejtësie, për të përlarë të tjera fonde milonëshe të dala nga paratë publike. Këtë e spikat edhe deputeti Braçe, që duke iu drejtuar Zaganjorit jep modelin e përfitimit nga proceset gjyqësore edhe për dosje të tjera të modelit Fullani. Ja si vijon mesazhi i deputetit Braçe:

?Dua te kujtoj per ju; Se pari, shpejtesia me te cilen po gjykohet ky proçes, ne krahasim me proçeset e tjera apo praktiken kohore te vete Gjykates se Larte e ben ulerites dyshimin se ka nderhyrje te ndodhe shpejt, te ndodhe tani!!… Zakonisht shqyrtimi i ceshtjeve gjyqesore ne Gjykaten e Larte, kerkojne nje periudhe prej rreth 2-3 vjet zakonisht (ka ne kete gjykate çeshtje te vitit 2013, te cilat, nuk jane shqytuar akoma), mirepo data per shqyrtimin e çeshtjes ?Fullani? ka dale me nje shpejtesi marramendese?

Se dyti, ne lidhje me trajtimin qe i ka bere gjykata kesaj ceshtjeje; Ne proçesin administrativ ne shkalle te pare, pamvaresisht se padia e Fullanit ishte ngritur per kerkimin e nje demi jashtekontraktor, kjo e fundit, e trajtoi çeshjen si marredhenie pune dhe, me vendimin e dates 02.06.2016, i atirbuoi paditesit 12 paga si guvernator.

Nga ana e saj Gjykata e Apelit, pamvaresisht kompleksitetit te çeshjes, kishte gjithçka te qarte qysh ne fillim duke e trajtuar Fullanin si te dypunesuar prane Bankes se Shqiperise dhe, i dha atij te drejten e shperblimit per te perfituar pagat si Guvernator dhe Anetar i Keshillit Mbikeqyres deri ne fund te mandatit 17.11.2018 (rreth 35 milion leke te reja).

Ne Gjykate te Larte, Fullani ka kerkuar gjithashtu edhe demin moral ne vleren prej 150 mlione te tjera, per shkak te demit te madh qe pretendon ti kete ardhur per shkak te cenimit te nderit, personalitetit dhe reputacionit…?, shkruan deputeti Erion Braçe duke dhenë kështu skemën klasike sesi me ndihmën dhe përkrahjen e karrocës së drejtësisë jo vetëm mund të shpallesh i pafajshëm, por edhe të përfitosh miliarda lekë pa derdhur asnjë pikë djerse./CityNews