web counter
LEXO PA REKLAMA!

SHKARKO APP

Trafiku i rënduar, Policia Rrugore jep lajmin e mirë/Zbulon akset problematike

15 Korrik 2017, 10:13, Aktualitet CNA

Policia ka dalë në një njoftim të dytë në lidhje me trafikun e krijuar në autostradë gjatë fundjavës për shkak të fluksit të pushuesve në plazhe.

Mësohet se Policia Rrugore ndodhet e pranishme në çdo aks për të normalizuar qarkullimin. Parashikimi i sinoptikanëve për një mot jo të mirë dhe me reshje i ka ndaluar pushuesit të shkojnë drejt plazheve dhe kjo ka sjellë rënie të fluksit.  Policia njofton se deri në mesditë rruga Tiranë-Durrës ka trafik normal. Gjithashtu normale ishte lëvizja edhe në aksin rrugor Durrës-Kavajë.

Nga të dhënat e policisë mësohet se deri në këto momente aksi rrugor nga rreth rrotullimi i Çermës ? Lushnje- Fier- Levan- Fratar nuk ka ngarkesë dhe lëvizja e mjeteve është normale.

Në akset rrugore për në Seman dhe Divjake ka fluks lëvizje por pa probleme. Aksi rrugor Tiranë- Maminas- Gjiri Lalëzit është me ngarkesë normale.

Aksi rrugor Durrës- Kavajë ka lëvizje normale. Ndërsa për sa i përket aksit rrugor Shkodër -Velipojë hyrja ka patur ngarkesë por tani e normalizuar. Aksi rrugor Lezhë-Shëngjin ngarkesa është normale.

Në jug të vendit policia bën me dije se Saranda ka trafik në drejtim të Ksamilit por pa probleme dhe bllokim qarkullimi./CityNews





Lajmet e fundit nga