Llogaria e fshehtë e Alimuçës/ Pse nuk prononcohet ish ministri Ylli Manjani

15 Korrik 2017, 11:01, Aktualitet CNA

Prej ditësh bashkëshortja e djalit të Vehbi Alimuçajt, ish administratorit të kompanisë më të madhe piramidale mashtruese VEFA, ka qenë në qendër të një serie intervistash ku ndër të tjera spikat edhe padrejtësia që, sipas saj i është bërë burrit të saj,Artanit, i cili gjendet i burgosur në burgun e Fierit, i akuzuar për fshehje të një llogarie bankare të gjendur në Hungari, ku i ati, Vehbiu transferoi një pjesë të pasurisë së vet pas shëmbjes së kompanisë.

Fjala është për një llogari bankare që mbart shumën 647 mijë dollarë dhe është në emër të djalit të Vehbiut, Artan Alimuçajt, bashkëshort i juristes 37 vjeçare, S. Alimuçaj. E cila së bashku me makthin, që thotë se po kalon së bashku me familjen, mohon pasjen e dijenisë nga i shoqi për ekzistencën e kësaj llogarie, duke ja veshur gjithçka vjehrrit.

Sipas S.Alimuçajt e gjithë historia me fund arrestimin e të shoqit, Artanit, është një komplot, vepër e Vehbiut i cili gjithmonë ka qenë kategorikisht kundër vendimit të të birit për t?a kthyer shumën e mësipërme në Shqipëri.

Artani gjithmonë ka qenë i gatshëm për të bashkëpunuar me drejtësinë për t?i kthyer shtetit shqiptar shumën 647 mijë USD të depozituar nga i ati në bankën ?Magyarorszagi Volksbank Zrt? të Hungarisë, thotë ajo, ndër të tjera.

Dhe këtu, në raportin e marrëdhënieve midis gatishmërisë së familjes së Artan dhe S. Alimuçajt për të ndihmuar në kthimin nga banka hungareze të shumës prej 647 mijë USD dhe qëndrimit indiferent të institucioneve zyrtare të shtetit shqiptar, nis çudia e madhe.

Gjatë pronocimeve të shpeshta mediatike, bashkëshortja e Artanit, krahas të tjerave, përmend dy fakte që koincidojnë të përputhen në një pikë. E para kundërshtia e vjehrrit të saj Vehbiut për të mos u marrë me transferimin e parave, gjë që ka qenë edhe një arsye që, sipas saj, Artani është ndëshkuar padrejtësisht dhe kërkesat në vijimësi të çiftit Alimuçaj bërë autoriteteve zyrtare për tu angazhuar në procedurën e rikthimit të shumës 647 mijë euro nga banka hungareze në buxhetin e shtetit shqiptar.

Sesa të vërtetë ka në këtë mes duhet ta hetojnë strukturat hetimore të shtetit shqiptar që çuditërisht deri tani vetëm heshtin e bëjnë spektatorin. Por, për të konfirmuar vërtetësinë e denoncimeve të saja juristja 37 vjeçare përmend, krahas të tjerave, edhe një letër adresuar Ylli Manjanit, në 23 shtator 2016, kur ai ishte Ministër i Drejtësisë. Në këtë shkresë zyrtare, sipas S. Alimuçajt, ata i kërkonin Manjanit bashkëpunimin për kthimin vullnetar të detyrimit debitor të kompanisë ?VEFA?, ndërkohë që nuk kanë gjetur mbështetj, nuk kanë marrë asnjë përgjigje. Duke ngritur dyshime të arësyeshme për këtë mosdëshirë që përputhet plotësisht me atë të Vehbi Alimuçajt. Në emër të të cilit ka qenë edhe një tjetër llogari bankare me nr. 141XXX dhe shumë 328 mijë USD.

Gjithsa deklaron bashkëshortja e Artan Alimuçajt, juristja 37 vjeçare, është një histori vërtetë e pabesueshme për pjesën e mosdëshirës së shtetit për të rikthyer 647 mijë USD në Shqipëri, ndërkohë që çifti ngulmon për këtë. Ajo do të nis të ndriçohet siç duhet vetëm nëse edhe ish ministri i Drejtësisë Ylli Manjani, që nuk lë ditë pa postuar statuse në rrjetet sociale, do të prononcohet për të treguar pjesën e rolit të tij në këtë mes./CityNews