web counter
LEXO PA REKLAMA!

SHKARKO APP

App Store
Google Play

E fundit!

x

Befason Rama/Deklaron bashkëqeverisjen me ...

13 Korrik 2017, 20:10, Aktualitet CNA

Marrëveshja e mbrëmjes së vonë të 18 majit mes Edi Ramës dhe Lulzim Bashës ngjalli jo pak reagime dhe dyshime, ku pikëpyetja e madhe ishte ajo e një koalicioni të mundshëm mes Partisë Socialiste dhe asaj Demokratike.

Teksa kanë kaluar gati dy muaj nga pakti i fshehtë Rama-Basha, i cili i dha fund krizës politike, ku ishte zhytur vendit për plot 3 muaj, mundësia e një koalicioni të madh PS-PD vijon të ?gërryejë? jo pak politikën dhe opinionin publik. Krerët e të dyja partive të mëdha, si Rama i PS ashtu dhe Basha i PD duket sikur po luajnë ?ping-pong? me qytetarët, gazetarët, por edhe mbështetësit e tyre politikë, teksa nuk pohojnë, por as mohojnë mundësinë e bashkëqeverisjes.

Por, ditën e sotme kryeministri Rama duket se ka dhënë indiciet e para se i ka hapur dyert një koalicioni të madh bashkëqeverisës. Nga qyteti i Durrësit, ku foli për ndryshime të mëdha në qeveri, duke nisur nga muaji shtator, Edi Rama nuk la pa përmendur edhe çështjen e koalicionit, teksa garantoi se do ketë kapacitet për të garantuar bashkëqeverisje.

?Në fillim të shtatorit do të jemi gati me blloqet e mëdha duke filuar nga qeveria e re, që do të jetë më e vogël, më efiçente dhe patjetër do të ketë kapacitetin për të garantuar bashkëqeverisjen?, tha sot Rama.

Lulzim Basha ndërroi fytyrë dhe ndryshe nga ç?u paraqit në çadër, në fushatë harroi të gjitha akuzat ndaj Ramës, që nga korrupsioni, krimi, droga, koncesionet, duke i përqendruar akuzat e tij vetëm ndaj Metës.

Më keq akoma, Basha nuk po dëgjohet të flasë kundër Ramës dhe ta akuzojë atë edhe tani, teksa po zhvillon fushatën për kryetar të PD.

Ky është një sinjal i qartë i një bashkëqeverisjeje të mundshme mes PS dhe PD nga shtatori./CityNews





Lajmet e fundit nga