web counter
LEXO PA REKLAMA!

SHKARKO APP

App Store
Google Play

E fundit!

x

Fotot/Basha braktiset nga demokratët në Tropojë

13 Korrik 2017, 19:30, Aktualitet CNA

Kreu i Partisë Demokratike, Lulzim Basha, vijon prej disa ditësh fushatën me strukturat e PD në mbarë vendin, në kuadër të zgjedhjeve që pritet të mbahen më 22 korrik për kreun e ri të partisë. Në një garë false përballë rivalit të vetëm Eduard Selami, Lulzim Basha po humb çdo ditë e më shumë mbështetjen e demokratëve.

Pas Sarandës, ku u prit nga vetëm rreth 50 vetë, dhe Vlorës ku demokratët u ngritën në protestë dhe shpërthyen me thirrje kundër tij në mes të sallës së takimit, e papritura ka ndodhur edhe në Tropojë.

Basha ka qenë sot në Tropojë për të kërkuar votat e demokratëve, por nuk është mirëpritur as në këtë qytet. I njohur si një nga bastionet historike të së djathtës, vendi i lindjes së ish-kryeministrit dhe liderit historik të Partisë Demokratike, Sali Berisha, Tropoja nuk e ka fshehur zemëratën ndaj Bashës, i cili po shkatërron partinë me qëllimin e vetëm për të mbajtur karrigen edhe për katër vite.

CityNews iu sjell më poshtë disa foto nga takimi i Bashës, të cilat janë publikuar në rrjetet sociale nga ish-deputetja e PD, Mimoza Hajdarmataj, dhe ku shihet qartë salla e boshatisur. Lulzim Basha nuk ia ka dalë dot të mbushë sallën as në Tropojë, duke dështuar në mënyrë të turpshme dhe braktisur edhe nga demokratët, pasi braktisjes nga qytetarët në fushatën zgjedhore të 25 qershorit./CityNews





Lajmet e fundit nga