web counter
LEXO PA REKLAMA!

SHKARKO APP

App Store
Google Play

“Lista e zezë” e Ramës/Basha harron “ngrirjen”, ja reagimi urgjent

12 Korrik 2017, 20:21, Aktualitet CNA

Kreu i vetëngrirë i Partisë Demokratike, Lulzim Basha, ka reaguar për listën me 100 emra të publikuar sot nga kryeministri Edi Rama të zyrtarëve që kanë abuzuar me qytetarët.

Në rrjetet sociale, Basha shkruan se lista e Ramës është e turpshme, duke shtuar se drejtësia është vetë kryeministri dhe për të nuk ka ligj.

Kreu i PD-së heq paralele me kohën e diktaturës, ndërsa shton se në lista mungon emri i Ramës dhe disa prej ministrave e ish-ministrave të tij.

STATUSI I BASHËS

Lista e turpshme e publikuar nga Edi Rama dëshmon atë që Partia Demokratike dhe unë kemi thënë katër vjet rresht: për Edi Ramën drejtësia është ai vetë, shteti është ai vetë. Për të nuk ka ligj, nuk ka të drejta njerëzore, nuk ka llogaridhënie.
Ai vendos se kush është fajtor e kush jo, kush duhet dënuar e kush jo. Ai nuk e ka problem të përlyejë, akuzojë dhe turpërojë publikisht si në kohën e Enver Hoxhës. Jo rastësisht në listën e tij nuk janë hajdutët dhe kriminelët e vërtetë shtetërorë: mungon ai vetë, mungojnë Ilir Beqaj, Sajmir Tahiri, Damian Gjiknuri dhe gjithë ministrat dhe drejtuesit kryesorë shtetërorë që kanë privatizuar qeverinë për vete, për kriminelët dhe për klientët e tyre.
Ai që dhunoi zgjedhjet, tani ka filluar të dhunojë të drejtat e njerëzve. Ndaj duhet bashkimi i çdokujt për një përballje popullore të fortë dhe të vërtetë për ta ndalur dhe për t?u kthyer pushtetin qytetarëve./CityNews





Lajmet e fundit nga