E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

“Shpërthen” avokati i njohur/Lulzim Basha s’ka vizion politik, ja rruga e tij e vetme

12 Korrik 2017, 17:06, Aktualitet CNA

Avokati Spartak Ngjela ka komentuar sërish situatën në Partinë Demokratike, e cila doli e rrënuar nga zgjedhjet e 25 qershorit dhe tashmë po zhvillon zgjedhjet për kreun e ri, mes dy kandidatëve Lulzim Basha dhe Eduard Selami.

Ngjela mbështeti që në fillim kandidaturën e Selamit, duke thënë se do ta drejtojë partinë e dytë më të madhe në vend në rrugën amerikane.

Ndërsa, në reagimin e tij të fundit, Ngjela është treguar mjaft kritikë ndaj Lulzim Bashës, teksa e quan atë person pa fare vizion politik.

Ja reagimi i plotë:

Dalja e Partisë Demokratike nga kriza e saj 20 vjeçare, nepërmjet Eduard Selamit mund të sjellë në Shqipëri rivendosjen e frymës demokratike në të dyja partitë e mëdha.
l.
Duhet ta kuptojë Sali Berisha që, kështu siç është nisur, do humbasin të gjithë tërësisht, dhe PD mund të vetëshpërbëjë strukturën e saj, sepse ka një konflikt të brendshëm midis politikanëve të karierës dhe lidërshipit dhe stafit politik Basha që është pa fare vizion politik. Prandaj në këtë kohë vetëm Eduard Selami e kthen Partinë Demokratike në rrugën perëndimore të Uashingtonit dhe e topit konfliktin e brendshëm në PD.
A do të mund ta kuptojë elita demokrate që bën pjesë në Partinë Demokratike se është vetë historia e brendshme e partisë Demokratike ajo që ka futur frymën totalitare në politikën aktuale shqiptare, përkatësisht në strukturën funksionale të partive të mëdha?
E kupton dot Berisha dhe Basha se asnjë rrugë tjetër nuk mund të ketë më në Shqipëri veç Reformës Perëndimore kundër korrupsionit galopant?
Reforma nuk mund të ndalohet, dhe korrupsioni do të luftohet deri në fund: kjo është rrjedhojë e aleancës shqiptaro-amerikane për Ballkanin Perëndimor në funksion të botës shqiptare në këtë territor dhe interesit të përbashkët që është shumë i madh.
Kjo është arsyeja që të dyja partive të mëdha iu duhet të kenë nga një kryetar të paimplikuar në korrupsion.
Basha nuk është i sigurt, madje, fare.
Asnjë aleancë me Ramën nuk mund të funksinojë për Partinë Demokratike; një mendim i tillë është të kesh rënë në iluzionizëm. Të bllokosh Reformën duhet ta njohësh vetë procedurën dhe duhet të jesh procedurialist i aftë, se është ndërmarrje me risk të madh që të thërrasësh ekspertë për të bllokuar politikën amerikane në Ballkanin Perëndimor, dhe, në të njëjtën kohë, të gjesh bindje politike antireformë në Shqipëri.
Forca e politikës amerikane aktualisht nuk ka mundësi që të përballohet dot nga korrupsioni shqiptar. Amerikanët sot i kanë të gjitha provat dhe faktet për këdo. Kjo është arsyeja që krimi shtetëror shqiptar është dominuar tërësisht nga politika amerikane.
As komisionet e vetingut nuk i intimidon dot asnjë forcë politike kundër politikës amerikane. Prandaj gjithçka flet në favor të Eduard Selamit.
ll.
Eduard Slami këto ditë po artikulohet me gjuhën e një demokrati profesionist: ai kuptohet se e njeh mirë krizën e partisë Demokratike që ka filluar që në zgjedhjet e vitit 1996, një vit pas eliminimit arbitrar të tipit komunist që iu bë Eduard Selamit si kryetar i PD-së.
Arbitrarizmi autokratik i njëshit, është në fakt shkaku i krizës njëzetvjeçare i Partisë Demokratike. Por kjo është edhe krizë e brendshme e mosfunksionimin demokratik të Partisë Socialiste.
Fitorja e doktrinës demokratike të Eduard Selamit në PD, do të fillojë të sjellë realisht emancipimin e politikës shqiptare, që deri tani dallon se është ende skallave e një autoritarizmi totalitar./CityNews