web counter
LEXO PA REKLAMA!

SHKARKO APP

App Store
Google Play

Del e vërteta/Nuk ka emra të vdekurish në listat e peticioneve, njerëzit e Bashës kërcënojnë demokratët e Vlorës

12 Korrik 2017, 14:03, Aktualitet CNA

Pas listave të peticionit që është ngritur në Vlorë kundër garës farsë të Lulzim Bashës, njerëz të kryetarit të vetëngrirë të PD me qëllim baltosjen e këtij peticioni përhapën lajmin se në këto lista ka dhe emra të vdekurish.

Në lidhje me këtë lajm ka ardhur edhe sqarimi i plotë i asaj çka ka ndodhur. Kritikë të Bashës kanë reaguar duke treguar se është abuzuar me emrin e një profesori të vdekur, që në fakt i përket një anëtari partie, lehtësisht i verifikueshëm.

?Ky nënkryetar i degës ka gënjyer familjarët e të ndjerit profesor të nderuar se gjoja emri të ndjerit qenka në lista. Ka aluduar për një situatë të ngjashme, kur emri në listë i përket një djali të ri anëtarësuar së bashku me babain e tij bisnesmen i nderuar në Vlorë në PD, dega Vlorë në vitin 2014. Reagimi ka qënë i menjëhershëm i kryetarit të seksionit që i ka anëtarësuar babë e bir. Farudin Serik Veizaj datëlindja 18.6.1957 dhe djali i tij Avdul Farudin Veizaj datëlindja 07.08.1988 janë babë e bir dhe banues në Vlorë në lagjen 15 Tetori anëtarësuar në PD e degës në vitin 2014.?

Më tej në deklaratën për media është theksuar se anëtarët e degës së Vlorës janë kërcënuar nga zyrtarët e lartë të PD, sepse ishin kundër Bashës.

?Dy prej tyre me funksione të larta në degë kanë pyetur në telefon çdo anëtar që kishte emrin në listë madje edhe shantazhuar se pse ishin kundra Bashës. Ky akt i papreçedent që kërkon të përdorë si mjet presioni autoçensurën dhe të vrasë mendimin e lirë është forma më e keqe e totalitarizmit të cilin shqiptarët e shkatërruan në vitin 1990. Një nga funksionarët e lartë të degës së Vlorës u ka kërkuar personave të listës t?i drejtohen prokurorisë?./CityNews





Lajmet e fundit nga