web counter
LEXO PA REKLAMA!

SHKARKO APP

App Store
Google Play

Anti-Bashët “pushtojnë” Durrësin/Olli: Basha la në mes misionin e PD

12 Korrik 2017, 17:23, Aktualitet CNA

Grupi i demokratëve anti-Basha ka nisur turin e takimeve. Këtë pasdite, ata janë mbledhur në qytetin e Durrësit, ku kanë nisur turin e takimeve me strukturat e PD, tur që do të vijojë edhe në qytetet e tjera.

Takimi në Durrës u njoftua nga kandidati i përjashtuar prej Bashës nga gara për kreun e ri të PD, Astrit Patozi, ndërsa në Pallatin e Kulturës ?Aleksandër Moisiu? janë pjesëmarrë një numër i madh njerëzish. Mes tyre është edhe kreu i këshilltarëve të djathtë të Bashkisë së Tiranës, Leonard Olli.

Në fjalën e tij para të pranishmëve, Olli e akuzoi ashpër Lulzim Bashën, duke thënë se në shtator do nisë punën në PD, ku shumica e anëtarëve nuk i përkasin partisë. Më tej, ai shtoi se insitucioni i PD është një aset kombëtar i padiskutueshëm, që zhduku komunizmin, por që sot është një mision i lënë në mes nga Basha.

?Nuk jam asgjë më shumë veçse njëri prej jush. PD nuk i ka humbur vlerat e saj, prezenca juaj këtu dëshmon edhe njëherë dëshirën tuaj për të qenë pjesë e një partie. Në këto zgjedhje shumë prej jush u fshin me një të rënë lapsi. PD do nisë punën në shtator, ku pjesa më e madhe nuk do jenë demokratë. Sot jemi këtu për të thënë fjalën e lirë. Institucioni i PD, aset kombëtar i padiskutueshëm, partia që zhduku komunizmin, sot një mision i lënë në mes nga Basha, por që ne së bashku duhet ta vijojmë këtë mision. Partia politike nuk është pronë e individit?, tha Olli./CityNews





Lajmet e fundit nga