web counter
LEXO PA REKLAMA!

SHKARKO APP

App Store
Google Play

Patozi zbulon frikën e madhe të Bashës/Pse na hoqi nga listat e PD

12 Korrik 2017, 19:17, Aktualitet CNA

Gjatë takimit të zhvilluar pak minuta më parë me demokratët në Durrës, ish-nënkryetatri i Partisë Demokratike, Astrit Patozi ka folur edhe për  listat e personalizuara të Lulzim Bashës gjatë zgjedhjeve të 25 qershorit.

Këto lista ngjallën shumë debat kudo, si brenda edhe jashtë selisë blu, pasi Basha përjashtoi figurat historike të PD, përfshirë këtu edhe Patozin, dhe futi në të emra krejt të panjohur për politikën shqiptare.

Gjatë fjalës së tij para të pranishmëve, Patozi ka zbuluar edhe arsyen e vërtetë se pse Basha nuk i bëri të pjesë të listave të 25 qershorit këto figura historike. Sipas tij, Basha  donte që të mos kishte më lidhje me qytetarët demokatë dhe, duke ditur lidhjen e fortë që këto figura kishin me demokratët, ai vendosi që t?i fshinte nga lista.

?Është folur shumë për listat. Ata u hoqën që Lulzim Basha mos të kishte më punë me ju, sepse Basha e di çfarë lidhjesh kemi ne me ju. Ne kemi kontributet tona në këtë parti. Është një keqkuptim shumë i madh i Bashës, që duhet rregulluar dhe ne kërkojmë mbështetjen tuaj. Ne kërkojmë reflektim të PD për hubjen dhe sa më shpejt ringritjen e saj?, theksoi Patozi./CityNews





Lajmet e fundit nga