E fundit!

09:40 Kronika

“Jam kushëriri…”/ Skifteri i merr 60 mijë euro kambistit, u prezantua si i afërm i një biznesmeni

Një kambist në Durrës ka humbur 60 mijë euro pasi është ma...

Drogë dhe orgji/Zbulohet skandali në apartamentin e Kardinalit të afërt me Papën

6 Korrik 2017, 11:41, Aktualitet CNA

Policia e Vatikanit bastis festën me drogë dhe orgji në apartamentin e Kardinalit të afërt me Papën.

Duket se Papa Francesku nuk ka patur ditët e tij më të qeta. Një numër skandalesh lidhur me aktivitete kontraversale kanë shpërthyer së fundi nga Vatikani. Kur papa Francesku erdhi në pushtet në vitin 2013 ai premtoi se jo vetëm do të krijonte një kishë e cila do të ishte më gjithëprfshirëse ndaj racës, gjinisë dhe seksualitetit por gjithashtu do të kishte si qëllim të pastronte Vatikanin nga reputacioni i dëmtuar në lidhje me aktivitetet seksuale dhe abuzimin ndaj të miturve. Kjo e fundit erdhi pasi papatet e dy paraardhësve të tij ishin përfshirë në skandale lidhur me pedofilinë.

Francesku ishte në një fillim të mbarë kur premtoi sigurinë ndaj fëmijëve dhe foli për një politikë me ?tolerancë zero? ndaj çdo pjesëtari të kishës që mund të përfshihej në të tilla aktivitete. Gjithsesi ai e ka gjetur veten të përfshirë në një seri skandalesh të njerëzve me influencë në Vatikan.

Vetëm muajin e shkuar Xhandamëria e Vatikanit bastisi apartamentin e një kardinali dhe gjeti aty një festë me orgji homoseksualësh dhe drogë.

Dyshimet ishin publikuar fillimisht nga një gazetë lokale, Il Fatto Quatidiano dhe policia e shtetit ishte vënë në dijeni të situatës pasi fqinjët e Kardinalit ishin ankuar për hyrjet e daljet në orët e mbrëmjes të njerëzve të ndryshëm nga apartamenti.

Pas ankesave dhe zërave të fqinjëve policia kreu një kontroll brenda apartamentit të ndodhur nga hyrja kryesore e pallatit të ish-Zyrës së Shenjtë që del direkt në territorin italian dhe para të cilit nuk ka postbllok as të xhandarmërisë së Vatikanit, as të Rojave zvicerane siç janë në të gjitha pikat e tjera hyrëse në Vatikan dhe gjeti një grup burrash të përfshirë në aktivitete seksuale nën efektin e drogës.

Në momentin e bastisjes në banesë në ndodhej monsinjor Luigi Capozzi, sekretar i kardinalit Francesco Cocopalmerio, kreu i Këshillit Papnor për Tekstet Legjislative.

Monsignor Capozzi, 50vjeç, ka lindur në Salerno më 23 korrik 1967 dhe u shugurua prift në Amalfi 19 dhjetor 1992.

Më 7 maj 2007 ai u emërua kapelan i Shenjtërisë së Tij, dhe kjo i dha atij titullin e Monsinjor. Pas skandalit që e ka përfshirë, ai u shtrua në spital në klinikën romake Piu XI, pastaj ai kaloi një periudhë tërheqjeje në një manastir dhe është aktualisht në Spitalin Gemelli në Romë.

Në çështjen që përfshiu Monsinjor Capozzin, i cili ishte propozuar si peshkop, Papa dëshiron të bëhet qartësi maksimale. Shumë njerëz në Vatikan tani presin që Papa më në fund të nxjerrë në pension eprorin e drejtpërdrejtë të priftit protagonist të skandalit të festave, ose Cardinalin Coccopalmerio./CityNews