web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PD e pranon hapur/Pakti Rama-Basha na shkaktoi dëmin më të madh

5 Korrik 2017, 09:49, Aktualitet CNA

Deputeti i Partisë Demokratike, Luçiano Boçi, ka komentuar humbjen e thellë që pësoi partia e tij në zgjedhjet e 25 qershorit.

Boçi tha në një intervistë për ?Dita? se rezultati katastrofik i PD në zgjedhje pati një ndikim të madh jo vetëm në këndvështrimin politik, por edhe në strukturat brenda saj.

Duke pranuar që PD nuk mori rezultatin që priste në zgjedhje, duke shtuar se më 25 qershor pati presion të madh nga faktorët politikë te votuesit.

Më tej, ai komenton dhe marrëveshjen e 18 majit mes kryeministrit Edi Rama dhe kreut demokrat, Lulzim Basha, duke thënë se nuk e ka arritur qëllimin që pritej, ndërsa shton se pakti i shkaktoi PD një dëm të madh.

?Ishte një marrëveshje e sforcuar, nën ndikimin e shumë faktorëve, për të ndrequr sadopak sistemin tonë të tronditur të votës së lirë dhe të ndershme. Nuk ia arriti qëllimit për mendimin tim. Dëmin më të madh për fat të keq, shumë larg dëshirës dhe qëllimit që u bë ajo marrëveshje nga ana jonë, e ka marrë pikërisht ai që përcakton vlerën e partive që është vullneti i sovranit.

U deformua, u detyrua, u ble, u transformua për shkak të elementeve ekstra politikë. Fitorja e PS mund të ketë çfarëdo ngjyre e shije brenda saj, por vetëm ngjyrën dhe shijen e sovranit mendoj se nuk e ka. Vullneti i tij nuk është thjesht numër, por dhe proces dhe përmbajtje. Nga kjo pikëpamje ky është një vullnet krejtësisht bosh. Pra fitorja e PS është një lloj fitore bosh, që nuk thotë asgjë dhe nuk ngjall asgjë?, deklaroi Boçi./CityNews





Lajmet e fundit nga