E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

“Frikëson” ish-aleati i Ramës/Gjithë pushteti në duart e kryeministrit, çfarë rrezikojmë

5 Korrik 2017, 09:38, Aktualitet CNA

Kryetari i partisë Demorkacia Sociale, Paskal Milo, i është rikthyer sërish rezultatit të zgjedhjeve të 25 qershorit, duke e cilësuar të frikshme fitoren e thellë të Partisë Socialiste.

Në një intervistë për ?Shekulli?, ish-aleati i Edi Ramës foli për rreziqet që mund të vijnë nga një kryeministër i gjithëpushtetshëm.

Milo tha se një fitore e tillë i jep mundësinë Ramës të përqendrojë gjithë pushtetin në duart e tij, siç e kishte dëshiruar dhe ëndërruar prej vitesh për të vënë një platformë personale.

Më tej, ai fajësoi për fitoren e thellë të PS edhe kreun demokrat, Lulzim Basha, që sipas tij, e ndihmoi me nënshkrimin e marrëveshjes kapitulluese.

?Do ta quaja fitore të frikshme. E konsideroj të tille për shkak se ajo nuk erdhi si rrjedhojë e një ballafaqimi midis premtimeve dhe realizimeve, që normalist në një vend demokratik do të mund të justifikohej në rast se do të kishte një kënaqësi të përgjithshme. Kjo fitore erdhi si rezultat i një mobilizimi maksimalist të të gjitha burimeve njerëzore, financiare, legjitime dhe jo të tilla, nga ana e PS-së, erdhi si rrjedhojë e një agresioni të pashembullt mediatik i lidershipit të PS-së, erdhi si rrjedhorja e një shit-blerjeje masive të votës, e paprecedentë në historinë e pluralizmit shqiptar. Këtë fitore e ndihmoi edhe bujaria e kryetarit të PD-së, Lulzim Bashës që shkoi dhe nënshkroi një marrëveshje kapitulluese me kryetarin e PS-së, gjë që ç?mobilizoi një pjesë të madhe të elektoratit të djathtë, që nuk shkoi për të votuar dhe ndikoi në fitoren e socialistëve për shkak të uljes drastike të votuesve të djathtë. Kjo fitore i jep mundësi Edi Ramës të përqendrojë të gjithë pushtetin në duar të tij, ashtu siç e ka dëshiruar dhe ëndërruar prej vitesh për të vënë në jetë një platformë personale, që më e pakta do të thosha, një regjim të fortë në një demokraci të dobët?, deklaron Milo./CityNews