E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Tërmet” në 12 qarqet/Ja drejtoritë e LSI që do preken nga spastrimi, identifikohen emrat

5 Korrik 2017, 07:19, Aktualitet CNA

Qeveria e re e Edi Ramës pritet të nisë ?furtunën? në administratë, ku më të rrezikuarit janë njerëzit e LSI. Gazeta ?Sot? ka bërë një kërkim mbi drejtoritë që drejtohen nga LSI në 12 qarqet e vendit, prej ku rezulton se pjesa më e madhe e punonjësve tashmë janë identifikuar. Krerët e bashkive të PS kanë bërë gati listat me njerëzit e LSI të punësuar në qytete.

Largimet nisën që dy ditë më parë në Shkodër dhe Korçë, ndërsa në ditët në vijim do nisin në të gjitha drejtoritë dhe bashkitë që drejtohen nga PS.

Gjatë mbledhjes me deputetët e rinj të PS, Rama e cilësoi LSI si një kancer që ka mbërthyer administratën, ndërsa dhe gjatë fushatës e akuzoi se ka bërë batërdi me punësimet në administratë.
Për këtë, duket se vjeshta do sjellë tërmet në administratë, pasi të gjitha institucionet do preken nga reforma.

Qarqet që preken

Tirana është qarku kryesor, ku LSI ka pjesën dërrmuese të drejtorive. Sipas informacioneve, institucionet që do preken nga largimet janë: Posta Shqiptare; Hipotekat; KESH; Drejtoria e Transportit Rrugor; Shëndeti Publik; Autoriteti Rrugor; Operatori i Sistemit të Shpërndarjes (OST); Agjencia Kombëtare e Burimeve Natyrore dhe Autoriteti i Komunikimeve Elektronike e Postare. Po ashtu në Tiranë janë dhe ministritë. LSI ka aktualisht Ministrinë e Transporteve, Ministrinë e Bujqësisë, Ministrinë e Mjedisit dhe Ministrinë e Integrimit. Në të gjitha këto ministri do nisë vala e largimeve pasi të kenë ikur ministrat. Nga furtuna do preken dhe qytetet e tjera. Në Shkodër për shembull institucionet ku do ketë largime janë: Drejtoria e Patentave; Drejtoria e Rrugëve

Drejtoria e Hipotekës; Posta Shqiptare; Drejtoria e OST; Reparti i Zjarrfikësve; Pyjet dhe Bordi i Kullimit; Dega e AKU; Drejtoria e Transportit Rrugor, etj. Nëse shihen me kujdes të gjitha qarqet sektorët më të prekur janë: Drejtoritë e Bujqësisë, Drejtoritë e Pyjeve dhe të Kullimit, si dhe Drejtoria e Transportit. Po ashtu janë dhe Posta Shqiptare me KESH dhe OST. Në këto institucione do nisë furtuna dhe Rama ka paralajmëruar se nuk do ketë asnjë tolerim./CityNews