E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Faktet/Reforma Rama pritet të lëvizë 40% të administratës

5 Korrik 2017, 08:57, Aktualitet CNA

Kryeministri Edi Rama mblodhi pak ditë më parë deputetët e rinj të PS, që do të jenë në sesionin e ardhshëm parlamentar, ku ju ndau detyrat për muajin korrik. Rama njoftoi ngritjen e pesë grupeve të punës në të gjitha qarqet e vendit, të cilët do të përgatisin raporte të hollësishme, duke filluar që nga puna e deputetëve, te reforma në administratë, apo edhe eliminimi i burokracive shtetërore për t?i diskutuar në fund të muajit gusht.

Njëri prej këtyre grupeve do të drejtohet nga Niko Peleshi dhe ka për qëllim reformën në administratë.

Menjëherë pas nisjes nga puna të këtyre grupeve priten ndryshime rënjësore në administratë. Rreth 40% e punonjësve të administratës shtetërore do të preken nga reforma Rama, ku një pjesë e tyre mund të largohen për t?u zëvendësuar me të tjerë, një pjesë do të lëvizin nga vendi i punës që mbajnë dhe një pjesë tjetër mund të ulen në detyrë.

Ky ndryshim i madh në administratë vjen pas rezultatit të zgjedhjeve më 25 qershor, ku Partia Socialiste e Edi Ramës arriti të sigurojë e vetme një fitore të thellë. Ashtu siç Rama e ka paralajmëruar shumë edhe gjatë fushatës elektorale, administrata do të shoqërohet nga një ?furtunë?, ku më të rrezikuarit janë të emëruarit e LSI. Largimi i kësaj të fundit nga pushteti, që ka rreth 30% të administratës, por edhe i PDIU me rreth 10% të administratës, janë shkaku i ndryshimeve të thella, që do të shoqërojnë administratën shtetërore.

LSI ka aktualisht Ministrinë e Transporteve, Ministrinë e Bujqësisë, Ministrinë e Mjedisit dhe Ministrinë e Integrimit, në të cilat pritet të nisë vala e lëvizjeve, menjëherë pas ikjes së ministrave.

?Furtuna? e largimeve do të prekë dhe të gjitha drejtoritë e LSI nëpër qytete, si Drejtoritë Rajonale të Shërbimit të Transportit Rrugor, Drejtoritë e Bujqësisë, Drejtoritë e Pyjeve dhe të Kullimit apo dhe Drejtoria e Transportit. Gjithashtu, të prekur do jenë dhe shumë institucione të tjera, të cilat kanë qenë pjesë e marrëveshjes Rama-Meta. Tashëm, pas daljes së LSI nga pushteti, socialistët duan ta bëjnë rrjedhë të vetën pushtetin, pasi katër vitet e ardhshme do të drejtojnë vendin të vetëm.

Po ashtu, ?furtuna? e shkarkimeve do të prekë edhe PDIU, e cila ka Institutin e Sigurimeve Shoqërore dhe Institutin e Sigurimeve Shëndetësore, por edhe institucione të tjera nëpër qarqe dhe bashki.

Grupi i punës, i drejtuar nga Peleshi, që do të reformojë administratën, do të realizojë atë që quhet reforma strukturore, duke shkrirë dhe bashkuar institucione dhe zyra, për të krijuar kështu mundësinë e sa më shumë largimeve./CityNews