web counter
LEXO PA REKLAMA!

SHKARKO APP

App Store
Google Play

E fundit!

x

Çudia LSI /Në koalicion me PS-në doli e treta, pa PS-në pretendon të jetë e para

31 Maj 2017, 16:15, Aktualitet CNA

Në zgjedhjet e përgjithëshme parlamentare të mbajtura në qershorin e vitit 2013 forca politike Lëvizja Socialiste për Integrim (LSI), e cila ishte në koalicion me Partinë Socialiste, u rreshtua në vendin e tretë, ndërsa në zgjedhjet e pritëshme të 25 qershorit ka shpallur si alternative daljen në vendin e parë, megjithse do të garojë e vetme.

Përveçse kryetarit Petrit Vasilit, këtë çudi e ka përsëritur edhe Monika Kryemadhi, zëvendëskryetarja e kësaj partie, kur e pyetur nga gazetari: “Kur me Ilir Metën në vitin 2013 LSI doli forcë e tretë, si do të dilni ju forcë e parë, pa të?”, nga ekrani i “Topit, iu përgjigj: “Po të shikojmë periudhën në të cilën Ilir Meta ishte Kryetari i LSI-së, si themelues i LSI-së bashkë me shumë djem dhe vajza të tjerë që sot janë të rritur në 13 vite eksperiencë, di të them që LSI ka pasur një rritje progresive. Vjen duke u rritur në mënyrë konstante. Dhe po të bësh një bilanc shikon që rritja vjen nga votuesit për herë të parë, gjë që është shumë pozitive dhe krijon një gjeneratë shumë solide, shumë të qëndrueshme dhe çdo ditë e më shumë ajo rritet duke u përkthyer jo vetëm në një votë të qëndrueshme për LSI-në por edhe votë e cila bëhet bindëse për rrethe dhe grupe të tjera shoqërore…?. /Citynews





Lajmet e fundit nga