web counter
LEXO PA REKLAMA!

SHKARKO APP

App Store
Google Play

E fundit!

x

Nga Xhovani SHYTI/ “Vota e bardhë” vret politikën e vjetër

31 Maj 2017, 15:17, Aktualitet CNA

Nisur nga ngjarjet më të fundit që kanë përfshirë politikën shqiptare, ku Republika e vjetër dhe Republika e re janë në epiqendër të sloganeve elektorale, një frymë e bojkotit të votimeve po nis të përhapet masivisht. Kjo pasi me të drejtë pas njëzetë e shtatë viteve të ikura, nën të njejtin avaz politik krizësjellës, e vetmja vlerë që kanë përfituar votuesit është skllavërimi i tyre. Kthimi në vasal, në hedhës votash “pro” njerës e tjetërs parti që ka zaptuar tavën e politikës monopoliste, pa lenë asnjë hapsirë konkurimi që të stimuloj të drejtën përzgjedhëse.

Në këto kushte mundësia e vetme që u ka mbetur votuesve shqiptarë është votimi në favor të partisë që jep më shumë para nëndorë, apo të partisë që garanton vend pune “me betime” nën tryezë.

Vota ?pro? , kundrejt parave dhe vota ?pro?, kundrejt sigurimit të një vendi pune është kultura dominuese e votimit që politika e Republikës së Vjetër u ka rrenjosur votuesve, kurse për ta larguar këtë Republikë të vjetër, fushatistët e Republikës së Re predikojnë dhënien e sa më shumë votave në favor të tyre në votimet e 25 qershorit.

Në këtë përplasje, të influencuar edhe nga aksionet politike me plotë difekte të kryeministrit të pritshëm të Republikës së Re, Lulzim Basha, numri i votuesve të zhgënjyer, por edhe i atyre hatërmbetur, është ritur në masë. Deviza e tyrë këtë herë është vendosmëria për të mos shkuar fare pranë kutive të votimit. Domethenë që nuk do të shkojnë të votojnë as për Republikën e Vjetër dhe as për Republikën e Re, të Lulzim Bashës, pra do ti braktisin, do ti bojkotojnë votimet. Një veprim ekstrem ky i ardhur nga zhgënjimi dhe ideja se, me këtë akt, ata do ti tregojnë perëndimorëve monitorues të Shqipërisë drejt Europës  mosbesimin masivë që kanë tek politika pa dallim moshor, e cila ka vetëm një devizë të përbashkët: shfrytëzimin e pushtetit për interesa përfitimi personal dhe jo për të europianizuar vendin.

Sigurisht, duke qenë pjesë e mentalitetit vendor, votuesit shqiptare i kanë bërë mirë llogaritë e tyre se me mospjesëmarrjen masive në zgjidhje do ti japin ndërkombëtarëve sinjalin e  pakënaqësisë ndaj klasës politike drejtuese, mirëpo ky nuk është kodi i duhur që ata ta përkthejnë mospjesëmarrjen si të tillë. Sepse në konceptin e ndërkombëtarëve bojkotimi i votimeve përkthehet si indiferencë e votuesve, që të kënaqur nga jeta dhe qeverisjet pak interesohen për ti ndryshuar  stafet drejtuese.

Indiferenca në botëkuptimin e një perëndimori ska lidhje me inatin shqiptar ndaj keqqeverisjes, por me krejt të kundërtën, me qënien elektorat i painteresuar për të ndryshuar klasën e qeverisësve.

Bojkoti i votimeve,  që për ne shqipot  është aksion kundërshtues për  ndërkombëtarët është akt miratues, pasi pakënaqësinë votuesit perëndimor nuk e shprehin duke mos u paraqitur para kutive të votimit, por duke shkuar masivisht dhe duke i vendosur kryqin e pakënaqësisë fletës së votimit. Ky është kodi perëndimor që evidenton pakënaqësinë e votuesve ndaj kastës drejtuese dhe jo mospjesëmarrja.

Vajtja pranë kutisë së votimit dhe derdhja e pakënaqësi, duke i venë kryq listës emnore të gjithë subjekteve politike garuese, për perëndimorët quhet ?votë e bardhë? dhe shërben si armë për të vrarë politikat zhgënjyese të  ?republikave të vjetra?. /Citynews





Lajmet e fundit nga