web counter
LEXO PA REKLAMA!

SHKARKO APP

App Store
Google Play

Parlamenti nis votëbesimin e Qeverisë së re, nën rrethimin e Policisë

30 Maj 2017, 11:13, Aktualitet CNA

Kuvendi i Republikës së Maqedonisë ka nisur seancën e dytë plenare, ku pika e vetme e rendit të ditës është dhenia e votëbesimit Qeverisë së re, me kryeministër kryetarin e partisë LSDM, Zoran Zaev.

Kryetari i Kuvendit, shqiptari Talat Xhaferri, e filloi seancën në gjuhën shqipe, megjithatë u shpreh se deri në miratimin e ndryshimeve të ligjit për përdorimin gjuhëve, seancat do t?i udhëheq në gjuhën maqedonase, njofton ?Alsat M?. Në seancën për dhenien e votëbesimit qeverisë Zaev, marrin pjesë edhe deputetët e VMRO-DPMNE-së, të kryeministrit ende në detyrw, Nikolla Gruevski.

Deputeti Antonio Milloshoski, i VMRO-DPMNE që në fillim të seancës theksoi se Xhaferi me paraqitjen e tij në gjuhën shqipe ka shkelur Kushtetutën dhe rregulloren për punën e Kuvendit. Po ashtu, Milloshoski theksoi se ky Kuvend dhe kjo seancë fillojnë me një njollë jodemokratike e cila do të rëndoj mbi Talat Xhaferin, sepse ai është i vetmi që pranoi të jetë kryetar i Kuvendit i zgjedhur në mënyrë jo-demokratike. Sipas Milloshoskit VMRO-ja nuk do e njoh Xhaferin për kryetar të Kuvendit por vetëm si deputet.

Në kundërpërgjigjen e tij Talat Xhaferi ka theksuar se ai është zgjedhur nga shumica parlamentare dhe si i tillë në mënyrë legjitime dhe në përputhje me kushtetutën, ligjet dhe rregulloren për punën e Kuvendit do ta ushtroj funksionin e tij, si kryetar i Kuvendit. Ndërkohë Ilija Dimovski, kërkoi që në mënyrë urgjente të miratohen ndryshime dhe plotësime në Kodin Zgjedhor, që do t?i hapte rrugë mbajtjes së zgjedhjeve lokale në fillim të muajit tetor. Seanca e sotme plenare mbahet nën rregjim të rreptë sigurie nga forca e shumta të Policisë të cilat që në mëngjes janë pozicionuar përreth godinës së Kuvendit. Kryeministri i qeverisë së re, Zoran Zaev ka paraqitur përpara deputetëve programin e qeverisë që do të kryesojë, ku integrimi i Maqedonisë në BE është prioritet qendror./Citynews





Lajmet e fundit nga