web counter
LEXO PA REKLAMA!

SHKARKO APP

App Store
Google Play

E fundit!

x

Djali i Fahri Balliut përçan PD e Pogradecit/Dorëhiqet gjysma e Kryesisë

30 Maj 2017, 09:23, Aktualitet CNA

Partia Demokratike në Pogradec po kalon një krizë të thellë, pas imponimit nga Lulzim Basha të kandidaturës të djalit të Fahri Balliu, Klevis Balliu, si deputet në këtë zonë.

Përplasje të forta ka pasur dy ditë më parë. Sekretari i degës, Luan Lipo, ka dhënë dorëheqjen, duke kundërshtuar kandidaturën e paraqitur nga Basha, e cila në fakt nuk ishte propozuar në asnjë prej strukturave të degës së Pogradecit.

Në mbledhjen e Kryesisë së degës, një tjetër drejtues i rëndësishëm, Erzen Qeva, ka dhënë dorëheqjen, duke deklaruar se nuk do të jetë pjesë e fushatës elektorale, pasi nuk e mbështet kandidaturën e Balliut.

Kreu i grupseksionit të PD në Çëravë, një nga Njësitë më të mëdha administrative në Bashkinë Pogradec, ka refuzuar të jetë pjesë e fushatës së Klevis Balliut.

Një tjetër dorëhqje ka qenë ajo e Armand Zerkës. Ky i fundit disa kohë më parë ka mbajtur detyrën e sekretarit të degës. Zerka është dorëhequr nga Kryesia, duke e quajtur të turpshme kandidaturën e paraqitur nga Basha.

Situata në degën e PD Pogradec paralajmëron se pas rreth katër javësh, kur të kemi votimin, rezultati pritet të jetë një gropë e madhe për PD. Kjo jo për faj të strukturave dhe militantëve të kësaj partie në këtë degë, por për shkak se Lulzim Basha imponoi një kandidaturë të pavlerë për Pogradecin, pa asnjë lidhje me këtë qytet, pa asnjë kontribut. Kjo ka bërë që demokratët e Pogradecit të shpërthejnë dhe të irritohen kundër imponimit të pavlerë të Lulzim Bashës./CityNews





Lajmet e fundit nga