web counter
LEXO PA REKLAMA!

SHKARKO APP

App Store
Google Play

E fundit!

x

Furtunë largimesh/Dështon lista e Bashës në dy qarqe

30 Maj 2017, 07:11, Aktualitet CNA

Kreu demokrat, Lulzim Basha, po përballet me një shqetësim jo të vogël për sa i përket listave të kandidatëve për deputetë. Listat e hartuara prej tij ngjallën mjaft debate, jo vetëm se nuk ishin të plota në KQZ, por edhe se mungonin figurat kryesore të PD.

Përtej këtyre problemeve, menjëherë pas dorëzimit në KQZ lista e Bashës është shoqëruar me një sërë tërheqjesh. Diku pakënaqësi nga renditja, e diku fyerje nga kjo listë, Basha duket se po shkon drejt dështimit me listat e deputetëve për zgjedhjet e 25 qershorit. Shkodra dhe Berati janë dy qarqet më problematike dhe me më shumë largime.

Në Shkodër kemi dy largime, kreytari i degës së PD, Ramiz Çobaj, i cili renditej i fundit në listë, si dhe Helidon Bushati, që në fakt ishte në listë fituese. Basha i ka zëvendësuar ata me dy emra të rinj, të cilët mësohet se janë: Prel Gjoni në vend të Çobajt dhe Bardh Spahia që zëvendëson Bushatin.

Mjaft problematik është edhe qarku i Beratit, prej ku kemi dy kandidatë të tërhequr, Sazan Guri dhe Bujar Hoxha, dhe ish-deputeti Lefter Maliqi, i cili dha paralajmërimin ditën e djeshme.

Ish-prefekti Bujar Hoxha ka deklaruar dje dorëheqjen nga lista e demokratëve për qarkun e Beratit. Edhe për Hoxhën ka qenë i njëjti pretendim, renditja si i gjashti në listë. Por në prag dorëheqje nga lista e Beratit është edhe ish-deputeti Lefter Maliqi.

Përmes një ultimatumi, Maliqi i ka lënë afat Bashës deri në mbrëmjen e së mërkurës për të tërhequr listën e Beratit, pasi në të kundërt ai do të japë dorëheqjen.

Maliqi i kërkon kreut të PD-së të mbajë premtimin që i ka bërë publikisht në takimet elektorale se ai do të jetë i pari në listën e deputetëve për qarkun e Beratit. Në listën e hartuar nga Basha, Maliqi renditet i treti, pas deputetëve Eduard Halimi dhe Astrit Veliaj./CityNews





Lajmet e fundit nga