web counter
LEXO PA REKLAMA!

SHKARKO APP

App Store
Google Play

Rrëfehet Grida Duma/Çfarë i thoshin djalit tim në shkollë, kur humba në Durrës

30 Maj 2017, 06:00, Aktualitet CNA

Kadidatja e PD për Tiranën, Grida Duma ka thënë në #DritaremeRudinën, në Vizion Plus se djali i saj ngacmohej në shkollë, për shkak se e ëma humbi zgjedhjet në Durrës, në kohën që kandidoi për kreun e bashkisë së këtij qyteti.

?Një gjë të vështirë që kam pasur unë gjatë kandidimit tim në Durrës ishte se fëmijët e tjerë i thoshin tim biri në shkollë ?e mo humbët?. Ishte në klasën e pestë. Djali im nuk më thoshte gjë, pasi nuk donte që unë ta kuptoja që ishte në atë gjendje prej meje. Ndaj, kur flas për politikën, mendoj se edhe të tjerët do të studiojnë ku studion fëmija im, do të blejnë bukë ku blen fëmija im. Është e paimagjinueshme të jetosh mirë në një vend ku në përgjithësi jetohet keq dhe nuk mund të krijosh asgjë ndryshe për fëmijën tënd, kur nuk e ke krijuar për të tjerët?, tha Duma.

Ndërsa Mirela Kumbaro, kandidate e PS, u shpreh se: ?Kam marrë një vendim politik që nga momenti që vendosa të rris fëmijët në Shqipëri. Arsyeja që u futa në politikë nuk ishte nevojë, por u shtyva për të bërë diçka sado të vogël në këtë oqean. Jam përpjekur t?i ruaj fëmijët e mi nga agresiviteti publik. Nuk i keni parë në publik shpresoj se nuk do t?i shihni. Familjen e kam të shenjtë dhe prandaj u futa në politikë?, tha Kumbaro në #DritaremeRudinën.

Ndërsa kandidatja e LSI për Tiranën, Klajda Gjosha, nëna e një fëmijë të vogël, e mbylli duke thënë se do të ishte më mirë të ketë sa më shumë zonja në Parlament, pasi aq më i lartë do të jetë debati për çështje që shqetësojnë njerëzit, si arsimi dhe politika dhe jo për çështje pa vlerë./dritare.net





Lajmet e fundit nga