E fundit!

16:05 Aktualitet

Tensioni Meta-Kryemadhi në GJKKO/ Avokati sqaron situatën: Dyshoi për komplot

Kujtim Cakrani, avokati i ish-presidentit Ilir Meta, dha d...

Hakmarrja e pamundur dhe hijet e Sokol Olldashit që trembin Lulzim Bashën

30 Maj 2017, 10:17, Aktualitet CNA

Në vitin 2013, Partia Demokratike u përfshi nga një garë elektorale brenda strukturave të saj. Duke shkelur statutin, Sali Berisha vetëvendosi garën me një anëtar një votë, ku në fund, pas përballjes Sokol Olldashi-Lulzim Basha, ?fitues? rezultoi ky i fundit. Duke shkelur çdo parim të një gare të drejtë, Berisha doli hapur në mbështetje të Lulzim Bashës. Tërhoqi nga pas edhe shumë servilë të tjerë të pushtetit të tij të djeshëm. Fletët e votimit i bëri me numër serie. Përjashtoi, sulmoi dhe agresoi këdo që mbështeste Sokol Olldashin, vetëm e vetëm për të emëruar Lulzim bashën në krye të PD.

Sot, Lulzim Basha po hakmerret ndaj atyre që dje mbështetën Olldashin dhe nuk e ka bërë në një ditë, por e ka bërë çdo ditë.

Basha ka përjashtuar nga lista e kandidimit për deputetë miqtë dhe bashkëpunëtorët më të ngushtë të Sokol Olldashit, të cilët patën kurajon dhe e mbështetën atë në kandidim.

Një hakmarrje që vjen vetëm nga frikërat e Lulzim Bashës. Atë e tremb sot ndoshta dhe hija e Sokol Olldashit. Nuk ka se si të jetë ndryshe, kur dikush tashmë i larguar nga kjo jetë, nga bota e përtejme ?dënon? miqtë dhe bashkëpunëtorët e tij.

I vetmi “faj” dhe “përgjegjësi” e tyre është se ishin miq dhe mbështetës të Sokol Olldashit. Nuk janë hequr, sepse kanë qenë ministra të Sali Berishës. Nuk është aspak e vërtetë, sepse kandidatë Lulzim Basha ka vendosur ministrin më hajdut dhe të akuzuar, siç është Genc Pollo, apo dhe ata më budallenjtë, që diku kryesojnë listën.

Nuk janë hequr, se iu mungon afësia politike, reputacioni apo mbështetja në bazë e demokratëve, por janë hequr sepse kanë pasur një ?mëkat?, pinin kafe me Olldashin. Sepse për reputacion apo mbështetje 80% e listës së Lulzim Bashës është e mbushur me kllouna dhe qesharakë, që nuk po i pranojnë strukturat në bazë.

Hakmarrja e Lulzim Bashës është inati i një njeriu që urren veten për paaftësinë dhe pamundësinë për t?u bërë si i ndjeri Olldashi. Për reputacionin dhe mbështetjen, intelektin dhe vizionin që ai kishte. Kurrë Lulzim Basha nuk do të mund të bëhet një Sokol Olldash, sepse projekin e tij filloi ta kopjojë me vonesë. Nuk ka intuitën, nuk ka zgjuarsinë, nuk mund të bëhet kurrë një politikan brilant si ai. Dhe sot Lulzim Bashës nuk i ka ngelur gjë tjetër, thjesht dhe vetëm të hakmerret ndaj miqve të tij, ndaj bashkëpunëtorëve të tij.

Frikërat dhe paniku nga hija e Sokol Olldashit ndoshta i krijojnë besimin se ai po hakmerret ndaj ish-rivalit të tij, që e mundi hapur në sfidë, por që më pas tjetërkush u shpall fitues, dhe këtë Lulzim Basha e di më mirë se çdo njeri tjetër.

Në fund do të kemi një rezultat votash dhe ai do të jetë ?makthi? i Lulzim Bashës, sepse hakmarrja e tij do të jetë gjithnjë e më e pamundur. Sepse vlerat, intuitën politike, dinjitetin e personalitetin, nuk e fiton duke përjashtuar miqtë apo mbështetësit e ish-rivalit tënd, për më tepër kthehesh në një humbës disfatist i pashpresë, që për t?i shpëtuar llumit ku është zhytur shkon dhe ulet më pas në prehrin e Edi Ramës, nën frikërat dhe hijet që i krijojnë makth në mendje të mjerit Lulzim Basha.