web counter
LEXO PA REKLAMA!

SHKARKO APP

App Store
Google Play

Si i bëri Basha qesharakë sekretarët e tij

30 Maj 2017, 11:05, Aktualitet CNA

Kreu demokrat, Lulzim Basha, ka befasuar jo vetëm demokratët, por edhe opinionin publik, me listën e tij, ku përjashtonte nga kandidimi shumicën e sekretariatit të partisë, apo i vendoste ata në vende të dyshimta fitoreje, apo disa të tjerë në lista kryesyese.

Pra, Lulzim Basha nuk ka pasur as parime dhe as standarde edhe për bashkëpunëtorët e tij më të ngushtë. Për këtë, le t?i kthehemi fakteve.

Në listë mungon Fatbardh Kadilli, Sekretari i Burimeve njerëzore. Eno Bozdo, Sekretar Organizativ. Ivi Kaso, Sekretar për Zgjedhje. Valbona Mezini, Sekretare për Organizatat Partnere. Nevila Xhindi, Sekretare për Shoqërinë Civile, Besart Kadia, Sekretar për Sipërmarrjen e Lirë.

Pesë sekretarë nuk janë pjesë e listës, ndërsa tre të tjerë janë në lista fituese, si Grida Duma e katërta në Tiranë, Gerti Bogdani i dymbëdhjeti në Tiranë dhe Ervin Salianji i dyti në Korçë.

Sekretari i Përgjithshëm, Arben Ristani, u pa i mërzitur ditën e shpalljes së listës. Ai rrezikon shumë në qarkun e Vlorës. Ndërkohë, edhe pse është numri dy, ai nuk është kaq i sigurt, sa Ervin Salianji apo Grida Duma.

Lulzim Basha i bën qesharakë sekretarët e tij, i tall me një veprim aspak politik, por me një akt ?vrastar? për ata, të cilët i ka quajtur besnikët dhe shërbëtoret e tij të paepur.

Shumica e tyre mund të jenë vërtet pa mbështetje, por fyerja dhe veprimi që i bën Lulzim Basha i bën ata qesharakë në opinion publik, të humbin çdo lloj besimi nga strukturat e PD, sepse janë pesë sekretarë të zgjedhur, të cilët nuk kandidohen, ndërsa një sekretar i emëruar, si Ervin Salianji, vendoset në listë fituese. Ky është standardi i Lulzim Bashës. Kjo është tallja e tij me bashkëpunëtorët./CityNews





Lajmet e fundit nga