web counter
LEXO PA REKLAMA!

SHKARKO APP

App Store
Google Play

ZGJEDHJET/ Partitë nënshkruajnë për transparencën financiare

29 Maj 2017, 16:10, Aktualitet CNA

Partitë politike në vend kanë nënshkruar sot deklaratën për transparencë financiare gjatë fushatës zgjedhore të 11 qershorit. Ceremonia e nënshkrimit është organizuar nga Instituti  Demokraci për Zhvillim (D4D). Transparenca financiare e subjekteve politike ka qenë temë diskutimi për një kohë të gjatë në Kosovë, duke ngritur dilema përsa i përket mënyrës së raportimit të subjekteve politike.

Sikurse publikon ?Zeri.info?, edhe pse deri në vitin 2012 ka pasur një auditim formal, kjo nuk ka ndodhë fare për zgjedhjet lokale të vitit 2013 dhe zgjedhjet parlamentare në 2014. Ky problem po ashtu është adresuar edhe nga Komisioni Evropian përmes Raportit të Progresit.

?Deklarata e nënshkruar sot, dëshmon vullnetin e partive politike që të marin hapa në rritjen e transparencës financiare. Është obligim i partive politike që të jenë model për shoqërinë duke ofruar hapjen e tyre karshi publikut edhe në aspektin financiar. Kjo hapje do të ndryshonte perceptimin e qytetarëve karshi subjekteve politike, duke i shfaqur para publikut më transparente dhe më llogaridhënëse?, thuhet në komunikatën e lëshuar nga D4D, transmeton ?zeri.info?.

Partitë politike nënshkruese të kësaj deklarate janë: Aleanca për Ardhmërinë e Kosovës (AAK), Aleanca Kosova e Re (AKR), Kosova Demokratik Turk Partisi (KDTP), Lëvizja për Bashkim (LB), Lidhja Demokratike e Kosovës (LDK), Lëvizja Vetëvendosje (LVV), Nisma për Kosovën (NISMA), Partia Demokratike e Kosovës (PDK) dhe Partia Liberale Egjiptiane (PLE).

?D4D do të bashkëpunojë ngushtësisht me të gjitha subjektet politike duke u siguruar për respektimin e zotimeve të kësaj deklarate. Duke qenë të vetëdijshëm për transparencën dhe llogaridhënien financiare të subjekteve, ne do të donim që zotimet e marra sot nga subjektet politike të respektohen dhe të vihen në praktikë në muajt në vijim? ?, thuhet më tutje në komunikatë. /Citynews





Lajmet e fundit nga