web counter
LEXO PA REKLAMA!

SHKARKO APP

E fundit!

x

Dokumenti i borxhit/Kandidati për Kryeministër nuk i paguan tatimet shtetit

29 Maj 2017, 14:09, Aktualitet CNA

Ndodh edhe që kandidatët për postin e lartë të drejtuesit të qeverisë të jenë mospagues të taksave apo tatimeve të shtetit, pjesë drejtuese e të cilit do të jenë.

I tillë është edhe Ramush Haradinaj, kandidat për kryeministër i koalicionit Partia Demokratike e Kosovës (PDK), Aleanca për Ardhmërinë e Kosovës (AAK) dhe Nisma për Kosovën, si dhe disa partive tjera të vogla.

Sikurse raportojnë mediat kosovare, por edhe ato maqedone ne gjuhën shqiper, Haradinaj,  nuk po e paguan tatimin në pronë për shtëpinë e tij, që ia ka lëshuar me qera një spitali privat, ndonëse gjatë fushatës së tij parazgjedhore promovon një shtet ligjor.

Në bazë të dokumenteve që ka arritur t?i sigurojë portali “INFOKUSI”, shihet se shtëpia e Haradinajt është 1200 metra katrorë, e ku Komuna e Prishtinës asaj ia ka caktuar një vlerë prej 1,2 milionë euro, ndonëse e njëjta në formularët e Agjencisë Kundër Korrupsionit ka çmim shumë më të ulët.

Por, Haradinaj ka të papaguara edhe për vitet e kaluara e ku shuma e borxhit për vitet paraprak është 2,744 euro.





Lajmet e fundit nga