web counter
LEXO PA REKLAMA!

SHKARKO APP

App Store
Google Play

LSI dhe oferta e saj/170 mijë vende pune apo 700 mijë euro?

29 Maj 2017, 13:32, Aktualitet CNA

LSI dje ka shpalosur programin elektoral. Ajo ka premtuar, ashtu si dhe palët e tjera, jo pak gjëra, deri nga më të çuditshmet, që shkojnë në taksat e sheshta, që shkojnë deri në 7%, apo ndër më të bukurat me vendet e punës, që shkojnë deri në 170.

LSI premtoi së bashku me Ramën 300 mijë vende pune në vitin 2013, por që nuk u hapën kurrë. Në atë kohë, Meta vinte nga qeveria me Berishën, pas skandalit me zë dhe figurë, ku diskutonte me zv.ministrin e tij për 700 mijë euro.

Dje dëgjuam një premtim nga LSI për 170 mijë vende pune, që duket të jetë një nga këto gënjeshtrat e zakonshme elektorale, që bëjnë partitë poliitike. Megjithëse LSI në këtë rast duhet besuar, por jo për 170 mijë vendet e punës, por për 700 mijë eurot. Që të hapësh 170 mijë vende pune duhen shumë investime dhe sa të lodhet LSI dhe Ilir Meta më mirë ato 700 mijë eurot apo disa qindra mijëra të tjera, që ka fituar nga ministrat e drejtorët, nga aferat e tyre korruptive, t?i shpërndajë te populli.

Le të quhet dhe blerje votash, si të duan le ta quajnë, por të gjithë do ta falëndëronim LSI, se ajo nuk gënjen kurrë. Njerëzit do ta falënderonin shumë, sepse Ilir Meta në këtë rast do të ishte në rolin e Robin Hood, që ua merr të pasurve dhe ua jep të varfërve, në këtë rast “Robin Hood” shqiptar vjedh i vetëm./CityNews





Lajmet e fundit nga