web counter
LEXO PA REKLAMA!

SHKARKO APP

App Store
Google Play

Bashës i tërhiqet një tjetër kandidat/Ja kush është

29 Maj 2017, 10:58, Aktualitet CNA

Një tjetër kandidat i Lulzim Bashës është tërhequr nga lista e kandidatëve për deputetë. Mësohet se kandidati për Qarkun e Dibrës, Sulejman Gjana, sapo ka njoftuar largimin e tij nga lista.

Ai ishte i katërti në listën e Dibrës, ndërsa sqaron se është tërhequr nga gara pasi, sipas tij, marrëveshja Rama-Basha krijoi realitet të ri dhe prespektivat e mazhorancës dhe opozitës së ardhsme.

Ja reagimi i plotë:

Të dashur miq,
Ju njoftoj se dje në mëngjes lajmërova Kryetarin e Partisë Demokratike z. Lulzim Basha se, nuk e pranoj renditjen e emërit tim në vendin e katërt të listës së PD në Qarkun e Dibres.
Këtë vendim e mora pasi të shtunën zhvilluam një mbledhje të kryesisë të PLL, pas shumë konsultimesh me miq e dashamirës të mi dhe të Legalitetit, por edhe pas një reflektimi të thellë mbi realitetin e ri që krijoi marrëveshja Basha-Rama dhe perspektiva e maxhorancës dhe opozitës së ardhshme.
Fakti që unë kam bindjen se pluralizmi politik në Shqipëri është në rrezik dhe se vlerat dhe kauzat e përqafuara dhe mishëruara prej dekadash nga PLL nuk mund të jenë objekt pazaresh meskine e të cilat nuk lejoj që të nëpërkëmben prej askujt, më përforcojnë qëndrimin tim se as Legaliteti dhe as unë nuk mund të shërbejmë si garniturë apo fasadë.
Për më tepër, renditja e kryetarit të PLL në pozicionin e katërt të listës së PD në Qarkun e Dibres, jo vetem që ështe e padenjë dhe fyese për mua personalisht dhe PLL, por është edhe një tregues i qartë se PD nuk e dëshiron prezencën e PLL në Parlament as zërin e shtresave që ne përfaqësojmë, dhe si rrjedhojë as edhe bashkëpunimin me ne.
Besoj se legalistët dhe simpatizantët e PLL do të kuptojnë siç duhet thelbin e vendimit tim që, në vazhdim, do të sqarohet më gjerësisht nga unë por edhe me një deklaratë politike të PLL./CityNews
I juaj përzemërsisht,
Sulejman Gjana
Kryetar i PLL





Lajmet e fundit nga