E fundit!

18:59 Politikë

LISTA/ Ja kush janë anëtarët e diasporës në Këshillin Kombëtar të PD-së

Ka nisur mbledhja e Këshillit Kombëtar të Partisë Demokrat...

Ja çeta e Henri Çilit në listat e PD

27 Maj 2017, 14:31, Aktualitet CNA

Partia Demokratike dorëzoi mesnatën e kaluar listat e kandidatëve për deputetë për zgjedhjet parlamentare të 25 qershorit. Lulzim Basha befasoi dhe zhgënjeu jo pak me listat, duke përjashtuar figurat kryesore të Partisë Demokratike. Basha vendosi të shkatërrojë forcën e dytë politike më të madhe në vend, duke shkuar në zgjedhjet e 25 qershorit me ca emra aspak të njohur për opinionin publik, mbase dhe nga vetë ai.

Që kur ka marrë detyrën e kryetarit të PD, Lulzim Basha ka qenë vetëm de jure në këtë post, pasi vendimet dhe prapaskenat politike janë luajtur nga tjetërkush. Të gjithë e kanë besuar se Partia Demokratike me kryetar Bashën ka një ?dorë të padukshme?, që mban peshë e drejton këtë forcë politike dhe që është Sali Berisha.

Të gjithë njihnin Sali Berisha si kryetarin de facto të Partisë Demokratike, por nga listat e mbrëmjes së kaluar Lulzim Basha na zbuloi një tjetër ?kryetar? të kësaj force politike.

Mjafton të shohim me vëmendje listat për të kuptuar se bëhet fjalë për Henri Çilin dhe klanin e tij në PD, që këtë radhë ka nxjerrë ?kokën?, duke pushtuar forcën politike opozitare. Në Qarkun e Shkodrës, klani i Henri Çilit kryeson listën e PD. Është Romeo Gurakuqi, që në sesionin e ri parlamentar do të ulet në karrigen e deputetit. Më tej, kemi në Qarkun e Elbasanit gazetarin e gazetës ?Mapo?, drejtuar po nga Henri Çili. Gazetari Fitim Zekthi është i gjashti në listën e Elbasanit, që me shumë gjasa do të jetë deputet. Një tjetër deputete e sigurt e klanit të Çilit është edhe Oriola Pampuri, e dyta në listën e Tiranës, e cila është pedagoge tek Universiteti Europian i Tiranës, i drejtuar nga Henri Çili.

Gjithashtu, listave të PD nuk mund të iu mungonin dhe dy njerëzit më të afërt të Çilit, Ervin Salianji dhe Grida Duma. Dy njerëzit, që njihen vetëm për shfaqjet televizive, por që në asnjë rast nuk kanë treguar se janë të denjë të drejtojnë apo të përballen me problemet e vendit. Këtë e tregoi mjaft mirë protesta e PD, ku Salianji dhe Duma, që mërmërisnin nëpër media, u fshehën pikërisht ditën që duhet të tregonin forcën dhe qëndresën e tyre. Por, çuditërisht kryedemokrati i harroi shumë shpejt ato ditë ngujimi në çadër, duke iu servirur shqiptarëve po këto njerëz. Ervin Salinji i dyti në listën e Korçës dhe Grida Duma e katërta në Tiranë e kanë të sigurt karrigen e deputetit në shtator.

Ky është turpi i radhës i Lulzim Bashës, i cili në shtator do futet në Parlament me turmën e lidhur ngushtë me Henri Çilin, personin që ka fluturuar nga njëri kah politik në tjetrin për interesat e tij klienteliste. Henri Çili dikur një mbështetës i flaktë i Bashës, e tradhtoi sapo Edi Rama u ul në karrigen e kryeministrit, duke u bërë menjëherë mbështetës i këtij të fundit. Por, edhe pse vetë kaloi me Ramën dhe hidhte herë pas here akuza ndaj liderit demokrat, ai la rrënjë të forta në PD, që tashmë duket se do të rikthehen fuqishëm, prej të cilëve s?pritet gjë tjetër veçse ta kthejnë forcën e dytë më të madhe në vend në një parti klienteliste./CityNews