web counter
LEXO PA REKLAMA!

SHKARKO APP

App Store
Google Play

Basha i përjashtoi nga PD/Ka një ofertë për deputetët që mbetën jashtë listave

27 Maj 2017, 13:33, Aktualitet CNA

Një ditë pas publikimit të listave të Partisë Demokratike, ku u kuptua se Lulzim Basha kishte lënë jashtë listave, deputetët më në zë në këtë parti, Jozefina Topallin, Astrit Patozin, Majlinda Bregun dhe Ridvan Boden, ka reaguar ish deputeti i kësaj partie Gjergj Bojaxhi.

Gjergj Bojaxhi duke falenderuar Lulzim Bashën pasi me këtë listë të PD është më e lehtë fitorja e Sfidës, i ka ftuar të gjithë të përjashtuarit dhe të zhgënjyerit të Partisë Demokratike  që të bashkohen me partinë e tij.

“Falenderoj pa masë liderin e PD-së për emrat që prezantoi në listën e kandidatëve për deputetë, sepse na e bën shumë herë më të lehtë fitoren ne, Sfidantëve të llumit, kulisave, baltës politike.

Shikojmë që kanë mbetur jashtë liste njerëz me një fije integriteti dhe janë listuar emra për ?qoka? dhe shlyerje basti.

U drejtohem të gjithë demokratëve që nuk e gjejnë veten në asnjë qëllim dhe pikë të programit të PD-së: bashkohuni me Sfidën për të rimëkëmbur idealin e demokracisë.

U drejtohem të gjithë ish të përndjekurve që u është shprishur gjaku dhe kujtimi për etërit, pasi janë listuar njerëz që vijnë nga hiçi, por janë bij të ca baballarëve të fuqishëm: ejani të provoni Sfidën më të vështirë- të ndërtojmë një moral politik në përputhje me dinjitetin njerëzor.

Ndihem i vlerësuar që nuk është kontestuar asnjë emër që konkurron për Sfidën.

Pasi çdonjeri prej tyre ka Curriculën e tij personale të vlerave, të personalitetit dhe integritetit. Moralja është zgjedhje, nuk është detyrim; ajo kuptohet dhe nuk është se i bindesh. Moralja është racionalja dhe arsyeja nuk pranon urdhra.

Ashtu si morali me të cilin kemi ndërtuar Sfidën Për Shqipërinë.”/CityNews





Lajmet e fundit nga