E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Rama jep sinjalet për aleancë me PD?!/Në Bilisht me kryebashkiakun e djathtë, ja çfarë tha

21 Maj 2017, 13:49, Aktualitet CNA

Vetëm 3 ditë pas arritjes së marrëveshjes historike mes dy liderëve kryesorë kundërshtarë në vend, Edi Rama dhe Lulzim Basha, janë dhënë shenjat e para të një bashkëqeverisjeje të mundshme mes dy partive më të mëdha, PD dhe PS. Ka qenë vetë kryeministri Edi Rama, i cili nën shoqërinë e zv/kryeministrit ende në detyrë, Niko Peleshi, inspektoi punimet e deritanishme të projektit të rikualifikimit urban për qendrën e bashkisë Devoll.

Megjithëse Devolli drejtohet nga një kryebashkiak i djathtë, Kryeministri Rama e cilësoi këtë bashkëpunim të frytshëm, kur ekziston vullneti dhe gatishmëria nga ana e pushtetit lokal për të bërë më të mirën për qytetarët. ?Pasqyrë e mirë e bashkëpunimit, kjo, me Partinë Demokratike?, u shpreh ai.
Kryeministri siguroi se nga ana e qeverisë bashkëpunimi do të jetë gjithnjë i pranishëm në dobi të qytetarëve, gjithmonë mbi bazë projektesh konkurruese.

Nga ana tjetër, Kryetari i Bashkisë së Devollit, Bledion Nallbati, përfaqësues i PD, shprehu dëshirën që ky bashkëpunim të jetë më i ngushtë në të ardhmen.

?Punët e mira nuk ka nevojë për komente. Unë ju kam falënderuar që në çeljen e projektit. Uroj që të kemi të tjera bashkëpunime. Populli i Devollit ka nevojë për më shumë mbështetje?, tha ai.

Nallbati foli edhe për detajet teknike. ?Në qendër të qytetit shkon 500 metra linearë që do të jetë pedonale. Është parashikuar të bëhen shkallë-shkallë, sheshe pushimi.? Ai shtoi gjithashtu se pjesë e projektit janë edhe fasadat e ndërtesave përreth.

Për zëvendëskryeministrin Peleshi, ky projekt ?është dëshmi e mbështetjes pa ngjyrime politike që i kemi bërë bashkive.?

Në sajë të projektit të rikualifikimit urban, qendra e bashkisë Devoll ka nisur të transformohet në një model që rrit cilësinë e jetesës në qytet dhe nxit ekonominë lokale.

Me investimin e Fondit të Zhvillimit të Rajoneve, u mundësua jo vetëm rikonstruksioni i rrugëve, trotuareve, shesheve dhe lulishteve, por edhe ndërtimi i një shëtitoreje të re. Po ashtu është bërë i mundur restaurimi i fasadave të ndërtesave përreth sheshit, si dhe ndriçimi i tij. Pjesë e rëndësishme e projektit për rikualifikimin urban të qendrës së Bilishtit është edhe gjelbërimi, ku do mbillen rreth 3500 pemë të reja, vendosja e rreth 150 stolave, një këndi lojërash si dhe 4 stacione biçikletash./CityNews