web counter
LEXO PA REKLAMA!

SHKARKO APP

App Store
Google Play

E fundit!

x

Shansi i fundit i Lulzim Bashës

21 Maj 2017, 10:34, Aktualitet CNA

PD ka më në fund, pas një beteje, një marrëveshje në tavolinë me rivalin e saj kryesor, Partinë Socialiste.

Pas 90 ditë protestash në çadër, Basha mundi të siguronte atë që as vetë nuk e kishte menduar kurrë. Sot demokratët kanë një marrëveshje, që jo vetëm i jep garanci të plotë mbi kontrollin e plotë të votës, por u ka siguruar një shans real për një betejë të fortë, pse jo dhe tentativë për të siguruar fitoren në zgjedhjet e 25 qershorit.

Kreu demokrat Lulzim Basha është përpara shansit të tij të fundit për të korrigjuar gabimet e drejtimit të PD në 4 vite. Një kryesi e dobët, elitë e çoroditur, sekretariat inaktiv, ku servilizmi dhe paaftësia pushtuan çdo segment. Betejat e PD ishin pa fund e pa krye, departamentet jashtë funksionit, struktura të çorganizuara, baza e braktisur, konflikte të thella në degë. Një situatë për të cilën Basha ka pasur të gjithë informacionin e nevojshëm dhe sot e njeh dhe duhet të kuptojë se në çfarë situate e ka partinë përballë një momenti mjaft delikat politik.

Marrëveshja me Ramën dhe hyrja në zgjedhje me garanci dhe kontroll real, i ka dhënë një tjetër shans kreut demokrat. Është koha që Lulzim Basha të reagojë dhe të flasë si lider, duke ndërtuar një PD fituese e cila fillon nga listat e saj të kandidatëve për deputetë.

Bashkimi i çdo faktori elektoral brenda PD, individëve me peshë në zona të caktuara, vlerësimi i kontributeve,  personaliteteve me reputacion, për të ndërtuar një makinë elektorale të pandalshme është shansi që vetë Basha sot ka në dorë.

Në vitin 2005, Sali Berisha rithemeloi PD, ai mblodhi të gjithë faktorët që ishin të nevojshëm. Sot ndoshta PD dhe Basha nuk kanë kohë për KOP-in, por është momenti që kreu demokrat të vlerësojë ata personazhe politike që i sjellin vota PD, që thithin elektorat në bazë. Pra të krijojë një frymë bashkimi brenda opozitës me çdo faktor duke ndërtuar lista përfaqësuese. Çdo inat apo përplasje, lënia mënjanë fushatës dhe mos vlerësimi për ?hakmarrje?, intriga dhe pabesi midis rrymash, do  ishte shansi i fundit dhe i humbur i Lulzim Bashës.

Në rast e bashkimi, vlerësimi dhe ndërtimi i një makine elektorale, duke lënë mënjanë çdo ?pakënaqësi? personale, trajtimi situatës si shans për të ngritur strukturën e fitores, janë momenti delikat ku Lulzim Basha duhet të përqëndrohet për të dhënë verdiktin e tij final drejt mundësisë për fitore, e kundërta do të ishte e paparashikueshmja. Kreu demokrat do të humbiste shansin e tij të fundit duke mbjellë dhe thelluar më tej një klanizim dhe përçarje që do kishte pasoja elektorale katastrofike për opozitën.

Nuk mjaftojnë për ngritjen e PD aty ku i takon disa parti me një kryetar dhe asnjë anëtar. Apo të tjera që nuk përfaqësojnë asgjë elektoralisht, të tjerë faktorë brenda dhe jashtë PD duhet që Basha të vlerësojë shpejt dhe t?i hedhë në aksionin e tij politik.

Çdo bashkim dhe vlerësim do t?i sillte PD më shumë vota dhe do ishte më pranë fitores, çdo mosvlerësim do e mbante edhe më të dobët Partinë Demokratike, larg fitores që sot e ka një shans me garanci reale dhe nuk duhet të kthehet në shansin e humbur të Lulzim Bashës./CityNews





Lajmet e fundit nga