Trafikantët “përshëndesin” marrëveshjen PS-PD me 35 milionë euro drogë

20 Maj 2017, 08:55, Aktualitet CNA

Ndërsa të premten PS-ja dhe PD-ja, Rama dhe Basha pas bisedimeve të gjata zgjidhnin krizën e Cadrës duke krijuar një qeveri mikse deri për Kurban Bajram, trafikanët e drogës intesifikonin përpjekjet për të eksportuar sa më shumë ?mall?. Vetëm në 2 raste në Itali u kapën fiks 40 kuintalë marijuanë me vlerë shitje me cmim pakice prej 35 milion eurosh. Të premten grekët në tre operacione të ndryshme kapën nja 3 kuintalë marijuanë, por për sasi të tilla mikroskopike droge (më pak se 300 Kg.) nuk ia vlen barra qiranë ta shkruash as si lajm flesh!

?Delfini Vlorë? ngec në gumat e Plazhit Calenalla
Një grup trafikantësh vlonjatë të drogës të lidhur me politikën lokale për lehtësi transpoprti dhe afërsie me tregun e drogës në Italinë qëndrore e kishin transferuar aktivitetin e tyre nga bregdeti i Vlorës në deltën e Lumit Ishëm. Ky ndryshim vend nisje droge ishte marrë vesh nga financierët italianë të stacionuar në Durrës në sajë të kontakteve të tyre me trafikantë droge durrsakë. Një operacion nga deti dhe toka u organizua nga finacierët e Komandës Provinciale të Foggia-s (Foxhias) dhe ato të postës së finacës së Vieste-s. Si përfundim u kap një gomone 8 metra e gjatë me 2 motorrë dhe me 22 kuintalë drogë të ambalazhuar në 57 pako të mëdha. Vlera e drogës me cmimin e shitjes me pakicë shkon në 22 milion euro. Skafistët e drogës arritën t?u shpëtojnë financierëve italianë. Gomonia e kapur mbante emrin romantik ?Delfini Vlorë?. Për më shumë mund të konsultoni linkun: http://www.immediato.net/2017/05/19/droga-tra-gargano-e-albania-il-sequestro-e-da-record-20-milioni/

18 kuintalë drogë shqiptare në Bisceglie
Po ditën e martë financierët e Molfetës afër Barit, ndërsa nuk arritën të kapnin skafistët dhe gomonen me marijuanë të sapo mbërritur nga Shqipëria, arritën të kapnin furgonin, që po e transportonte drogën drejt Barit. Me ndihmën edhe të një roje të armatosur private u arrestuan katër trafikantët, që shoqeronin furgonin , 2 italianë dhe 2 shqiptarë. Njëri nga shqiptarët 27 vjec mbeti i plagosur, ndërsa u hodh nga një lartësi prej 5 metrash për të mos rënë në duart e financierëve italianë. Shqiptari tjetër 40 vjecar u dorëzua pa bërë rezistencë. U kapën 18 kuintalë marijuanë të ambalazhuara në 101 pako të mëdha. Vlera e drogës me cmim shitjeje me pakicë shkon në 13 milion euro. Për më shumë mund të konsultohet linku: https://www.statoquotidiano.it/19/05/2017/molfetta-sequestrati-1-800-kg-marijuana/544156/

Janar- 18 maj 2017 rreth 430 kuintalë drogë
Vetëm në Itali në bregdet dhe në thellësi të territorit kombëtar janë kapur rreth 430 (katër qind e tridhjetë) kuintalë kanabis ?Made in Albania?. Shifra të tilla të frikshme janë vetëm maja e ajsbergut e cmimit, që paguan Italia, fqinje, aleate dhe mike për të ruajtur të ashtuquajturin stabilitet politik në Shqipëri!/Nga GJERGJ THANASI