web counter
LEXO PA REKLAMA!

SHKARKO APP

App Store
Google Play

Rama në Pogradec/Inspekton nisjen e punimeve të Unazës

20 Maj 2017, 06:42, Aktualitet CNA

Kryeministri Edi Rama ka inspektuar këtë të premte nisjen e punimeve në unazën e Pogradecit.Rama shoqërohej edhe nga zv kryeminsitri Niko Peleshi,ministri Eduart Shalsi dhe dpeuteti Ilir Xhakolli.Në inspektimin e tij Rama takoi edhe shumë banorë që kishin dalë ta prisnin dhe falenderonin për nisjen e punimeve në unazën e Pogradecit, e cila ishte kthyer në një makth të vërtetë për ta.

Rama iu tha atyre se ky ishte një premtim i bërë nga ai dhe duhej mbajtur , aq më tepër për një qytet si Pogradeci të cilit ndërtimi i kësaj rruge do ti japë edhe më tepër frymëarrje trafikut por edhe turizmit.

Rama shtoi se ky nuk është i vetmi investim që qeveria e tij do të kryejë në Pogradec,por ky është vetëm njëri prej investimeve madhore që qeveria e tij po kryen në Pogradec, krahas edhe hyrjes së Pogradecit.Afati kohor për përfundimin e punimeve në këtë aks rrugor është 18 muaj,por Eduard Shalsi i premtoi Ramës se do ta përfundojnë brenda një viti,ndërsa Rama ia ktheu me battue, kur i tha se nëse nuk e përfundon brenda një viti atëherë do të duhet të dorëzojë mandatin e deputetit.

Gjatësia e aksit rrugor është 7.6 km,ndërsa gjerësia e saj do të jetë nga 6.5 deri në 8.5 metra.Parashikohet edhe ndërtimi i trotuarëve dhe një parking anësor të asfaltuar prej 2 m gjerësi.Ndërkohë që projekti do të shtrihet në gjurmën ekzistuese të unazës,pra nga hyrja e qytetit,në vërdovë deri tek karburanti I shtetit dhe më pas drejt plloçës./CityNews





Lajmet e fundit nga