web counter
LEXO PA REKLAMA!

SHKARKO APP

App Store
Google Play

Tjetër goditje ndaj shtypit/ Lëshohen urdhër arreste për katër drejtues gazete

20 Maj 2017, 08:10, Aktualitet CNA

Në kuadër të zbardhjes së plot të ngjarjeve të etiketuara si ?grushti i shtetit? për të rrëzuar nga pushteti presidentin në detyrë të Turqisë, Rexhep Taip Erdogan, një tjetër goditje ka ardhur nga ana e institucioneve të drejtësisë ndaj shtypit.

Sikurse ka bërë të ditur gazeta pro qeveritare ?Sabah?, katër urdhër arreste janë lëshuar për katër figura të njohura, drejtorë dhe gazetarë, të së përditshmes ?Sozcu?. Akuza që rëndon mbi ta është për lidhje me rrjetin puçist të Fethullah Gulen dhe rrjedhimisht për grushtin e dështuar të shtetit, bën të ditur gazeta qeveritare ?Sabah?.

Drejtuesit e gazetës akuzohen se kanë shfaqur në edicionin online adresën dhe pamjet e hotelit të Marmarisit, ku ndodhej për pushime presidenti Recep Tayyip Erdogan, pak orë përpara nisjes së grushtit të shtetit.

Të kërkuarit janë drejtori Burak Akbay, shefja e faqes së internetit Mediha Olgun, shefja e sektorit financiar Yonca Kaleli dhe gazetari Gokmen Ulu. Ndërkohë, avokatët e gazetës deklarojnë se nuk kanë marrë ende asnjë njoftim zyrtar për urdhër-arrestin.

Sipas CNN turk, Akbay aktualisht ndodhet në Londër, ndërsa dy nga kolegët e tij Olgun dhe Ulu janë arrestuar. E themeluar në vitin 2017, ?Sozcu? është mes gazetave të opozitës më të përhapur, me një tirazh prej 250 mijë kopje.





Lajmet e fundit nga