web counter
LEXO PA REKLAMA!

SHKARKO APP

App Store
Google Play

24 orët e fundit ''të dashurisë'' Rama-Basha

15 Maj 2017, 18:07, Aktualitet CNA

Në gati 90 ditë ngujim të Partisë Demkratike në çadër dhe fillimit të negociatave afërsisht një muaj më parë, sot duket se ka pasur një qasje ndryshe nga Lulzim Basha në lidhje me dialogun apo kushtet që duhet të ketë ndaj qeverisë dhe kryeministrit të vendit.

CityNews raportoi edhe mbi faktin se PD dhe aleatët e saj mund të tërhiqeshin nga largimi i Edi Ramës si kryeministër dhe të pranonin qeverinë teknike me atë në krye, por opozita do të kishte në tryezë paketën Mc Allister dhe një garanci të plotë të ndërkombëtarëve që do të vinte nga Uashingtoni, Brukseli dhe Berlini.

Opozita tashmë kusht të panegociushëm ka datën e zgjedhjeve, pra shtyrjen e tyre në një afat që shkon deri në 6 gusht, por mesa duket këtu është edhe ngërçi që këtë herë vjen nga kryeministri Rama. Nuk dihet ende nëse ky i fundit do të lëshojë datën e zgjedhjeve, pra që votimet të bëhen përtej 18 qershorit.

Tashmë topi duket të jetë në anën e kryeministrit, PD dhe opozita duket se kanë bërë një hap pas duke kërkuar si kusht një datë tjetër zgjedhjesh. Zv/ndihmës sekretari amerikan i shtetit, Hoyt Brian Yee ka ripropozuar paketën McAllister dhe me shumë gjasa PD ka pranuar gjithçka, por në asnjë rast nuk negocion datën. Duhet të presim edhe pak për të mësuar se si do të reagojë kryeministri dhe si do të jenë 24 orët e fundit ?”të dashurisë” Rama Basha, lënë si afat nga zyrtari Hoyt Brian Yee.

Tani priten 24 orët e fundit për të konfirmuar nëse do të kemi një datë të dytë zgjedhjesh dhe futjen e PD dhe opozitës në to./CityNews





Lajmet e fundit nga