web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Detajet/Çfarë i ofroi zyrtari i DASH Bashës?

15 Maj 2017, 17:41, Aktualitet CNA

Zvendësndihmësekretari amerikan i shtetit, Hoyt Brian Yee, ka zhvilluar një takim të gjatë, prej 90 minutash, në selinë e Partisë Demokratike, me kreun e PD, Lulzim Basha dhe aleatët e tij. Pjesë e këtij takimi kanë qenë edhe ambasadori i SHBA-ve, Donald Lu, dhe kryetari i grupit parlamentar të Partisë Demokratike, Edi Paloka.

Nga burime brenda takimit, CityNews ka mësuar  se çështja kryesore e diskutimit ka qenë oferta Mc Allister, që iu është ofruar palëve me 25 prill nga negociatori David Mc Allister, i dërguar nga PPE. Ofertë kjo me disa detaje të ndryshuara, pasi është zgjedhur Presidenti i ri. Zyrtari amerikan në vend të presidentit ka ofruar atë të zëvendës kryeministrit.

Burimet thanë për CityNews se në këtë takim aleatët kanë qenë më të hapur se Basha, ndaj ofertës. Mësohet, gjithashtu, se ka pasur qëndrime për tu futur në zgjedhje, pra pranimi i ofertës Mc Allister, me kushtin e garantimit të zgjedhjeve të lira, duke hequr dorë nga qeveria teknike pa Ramën kryeministër.

CityNews ka mësuar, nga të njëjtat burime, se zyrtari i DASH i ka lënë një afat prej 24 orësh kreut demokrat Lulzim Basha. Kohë në dispozicion kjo për të reflektuar pozitivisht.

Përveç SHBA në ofrimin e garancive ndaj opozitës për pjesëmarrje në zgjedhje do të përfshihen edhe Brukseli e Berlini. Pra do të jetë boshti Uashington-Bruksel-Berlin, i cili do monitorojë dhe garantojë marrëveshjen dhe zgjedhjet e lira shqiptare.

Për sa i përket datës së zgjedhjeve, mësohet se ka qenë pika më e nxehtë e debatit, nga që ka akoma diskutime të ndikuara nga fakti se kryeministri Edi Rama nuk heq dorë nga data 18 qershor, si datë legjitime e vendosur nga Kushtetuta.  Ndërkohë që PD dhe aleatët e saj kërkojnë një datë tjetër, që shkon maksimalisht deri në 6 Gusht./CityNews





Lajmet e fundit nga