web counter
LEXO PA REKLAMA!

SHKARKO APP

App Store
Google Play

E fundit!

x

Maqedoni/ Kriza bllokon edhe zgjedhjet lokale

15 Maj 2017, 15:18, Aktualitet CNA

Kuvendi i Maqedonisë duhet të vendosë mbi datën e re të zgjedhjeve lokale, të shndërruara tashmë në një problem tjetër krahas pengesave për formimin e qeverisë së re.

Sikurse njoftojnë mediat maqedonase, por edhe ato koosvare, data 15 maj shënon ditën e skadimit të mandatit 4-vjeçar për tetëdhjetë  kryetarë komunash, dhjetë nga të cilët përbëjnë qytetin e Shkupit si njësi e veçantë e pushtetit lokal. Votimet duhet të ishin zhvilluar muajin që shkoi, por për shkak të krizës politike në vend, nuk u arrit që ato të shpalleshin në afatin e paracaktuar.

Krerët e grupeve parlamentare janë thirrur në takim nga kryetari i Kuvendit, Talat Xhaferi, ku pritet të vendoset mbi ndryshimet e nevojshme për shtyrjen e zgjedhjeve dhe zhbllokimin e punës së komunave, që do të pasojë pas skadimit të mandatit të tyre në mesnatën e së hënës.

Mosgjetja e një zgjidhjeje do të bllokonte gjithë pushtetin lokal me pasoja të rënda për qytetarët. Zyrtarët shpjegojnë se mijëra të punësuar nuk do të marrin dot pagat, nuk do të jepen leje ndërtimi, nuk do të funksionojnë shërbimet nëpër komuna e as transporti publik./CityNews





Lajmet e fundit nga