web counter
LEXO PA REKLAMA!

SHKARKO APP

App Store
Google Play

E fundit!

x

Xhaferi/ Ja çdo të ndodhë nëse Presidenti Ivanov nuk e dekreton qeverinë  Zaev  

12 Maj 2017, 14:42, Aktualitet CNA

Nëse presidenti i Republikës së Maqedonisë, Gjorge Ivanov nuk e mandaton formimin e qeverisë së, Zoran Zaev në pajtim me afatin kushtetues prej dhjetë ditësh, sipas kryetarit të Kuvendit, Talat Xhaferi, shumica parlamentare ka të drejtë eksplicite të formojë qeverinë.

?Prej 20 majit gjithçka varet nga vullneti dhe veprimi i shumicës në Parlament?, tha Xhaferi në takimin me gazetarë, duke potencuar se qeveria formale-juridike mund të formohet edhe pas ndarje të mandatit nga ana e Presidentit. E dëshiroj variantin që Ivanovi ta ndajë mandatin në pajtim me Kushtetutën. Varianti për të mos e dhënë mandatin do të thotë shkelje e Kushtetutës, neni 1, alineja 90?, tha Xhaferi, i cituar nga ?Tetova Sot?. Që të mos ketë kurrfarë pengesash për ndarje të mandatit, kryeparlamentari shqiptar Talat Xhaferi ka thenë se i ka dërguar letër të dytë Ivanovit. Sipas tij, nëse më datën 10 të këtij muaji është arkivuar ajo shkresë, 19 maji është dita e fundit për ndarje të mandatit dhe atëherë ai si kryetar i Kuvendit nuk mund të ngritë kurrfarë procedure. Nga aspekti formal-juridik, nëse ditën e njëmbëdhjetë mandatari atij i parashtroi Propozim-program dhe Propozim-përbërje të qeverisë së re, ai ka obligim për 15 ditë të thirrë mbledhje. Lidhur me pyetjen çmund të ndodhë nëse sërish ka protesta, Xhaferi tha se qytetarët kanë të drejtë për protestë, por se nuk do të duhej të përsëriten ngjarjet e 27 prillit./CityNews





Lajmet e fundit nga